نوکیا 3310دی پاکستانی مارکیٹ وچ جون تک فیر انٹری

کراچی(پاکستان پوائنٹ نیوز22۔مارچ2017ء) موبائل فون بنان والی کمپنی نوکیا نے 3نویں سمارٹ فونز تے 3310جیہے مشہور ماڈل نال جون دے آخیر تک پاکستانی مارکیٹ وچ اک وار فیر انٹری دین دا اعلان کر دِتا اے، نوکیا دی سٹرٹیجک پارٹنر کمپنی ایچ ایم ڈی پاکستان وچ جدید سمارٹ فونز تے جدید سہولتاں نال 3310متعارف کرا رہی اے۔ پاکستان دے دورے اُتے آن والے ایچ ایم ڈی گلوبل دے وائس پریزیڈنٹ برائے مشرق وسطی تے شمالی افریقا پراکمین نے مارکیٹنگ منیجر عمار احمد، جنرل منیجر پاکستان کامران احمد تے ڈیجیٹل کمیونی کیشن منیجر محمد زوہین خان نال کراچی وچ پرچا کاراں نال ملاقات کیتی تے دسیا کہ نوکیا سمارٹ فونز دے 3جدید ماڈلز تے 3310فیچر فون چالو ورھے دی دوجی تماہی دے آخیر تک پاکستانی مارکیٹ وچ آ جان گے۔