فی تولہ سونے دی قیمت وچ 150رُپئے وادھا

کراچی(پاکستان پوائنٹ نیوز13۔مارچ2017ِء) عالمی مارکیٹ وچ سونے دیاں قیمتاں وچ لاہ چڑھا دا سلسلا جاری اے، جہدے پاروں ملک وچ وی سونے دی فی تولہ قیمت وچ وادھا ہو گیا اے۔ سندھ صرافہ ایسوسی ایشن دے مطابق عالمی مارکیٹ وچ سونے دی قیمت 3ڈالر وادھے نال 1208ڈالر فی اونس ہوگئی اے۔ جہدے پاروں ملک وچ فی تولہ سونے دی قیمت 150رُپئے وادھے نال 50200رُپئے ہو گئی اے جدکہ 10گرام سونے دی قیمت 128رُپئے وادھے نال 43028رُپئے دا ہو گئی اے۔