کابل(پاکستان نیوز پوائنٹ 31جنوری2016ء) اوغانستان اٹی تعینات بڑزکو امریکی سفارت کار ملک اٹی بدعنوانی ءِ طاعون گوندسا پارینے کہ مچ آ اوغان قوم ءِ دا مرض تینا پلویڑ اٹی ہلکونے۔ اوغان میڈیا نا رداٹ داہیت اوغانستان اٹی تعینات امریکی ناظم الامور ہوگولیورینز کابل اٹی اینٹی کرپشن جسٹس سسٹم نا اڈ تننگ کن اسہ ماڑی اسے نا جوڑ جاڑ نا بنائی دود آن تران کرسا پارے۔
دا سینٹر اٹی جج، پراسیکوٹر و ایلو عہدیدار آتے بدعنوانی نا بابت معاملہ غاتا جاست وپاست کن تربیت فراوان کننگک۔ اوپارے کہ پوسکن آ سینٹر نا اڈتننگ آن ملک اٹی بدعنوانی نا انسداد کن کوشست آتے سوگوی ملک۔ اوپارے کہ بدعنوانی نا طاعون نا برخلاف مچ آ اوغان قوم ءِ اواری اٹ کاریم کروئی مریک۔ اوپارے کہ انسداد بدعنوانی نا کوشست آتیٹی امریکہ اوغانستان نا حکومت و الس تون کاریم ءِ برجاہ تخک۔
