کابل۔ (پاکستان پوائنٹ نیوز۔28 جولائی۔2016) اوغانستان نا سیکورٹی فورسز آک ملک انا کیہی بشخ آتیٹی کارروائی تیٹی 300 آن زیات عسکریت پسند آتا تپاخت نا داواکننگا۔ ننگر ہار و ایب و کیب اٹی آپریشن شاہین 18نا وخت آ داوخت اسکان شدت پسند رڑ دولت اسلامیہ یا داعش نا کم از کم 300 عسکریت پسند تپاخت و 100 آن زیات ٹھپی مسنو۔ قندوز اٹی فضائی کارروائی تا وخت آ 23طالبان نا تپاخت نا داوا کننگانے۔
کابل اٹی اوغان وزارت دفاع نا کنڈآن جاری مروک آ اسہ بیان اسے ٹی پاننگانے کہ ننگر ہار و ایب و کیب علاقہ غاتیٹی آپریشن شاہین 18 نا وخت آ داوخت اسکان شدت پسند رڑ دولت اسلامیہ یاداعش نا کم از کم 300 عسکریت پسند تپاخت و 100 آن زیات ٹھپی مسنو۔ بیان نا رداٹ سیمی علاقہ غاتے عسکریت پسند آتیان پاک کننگ اسکان دا آپریشن برجاء سلک۔ قطبی صوبہ قندوز اٹی فضائی کارروائی تا وخت آ 23طالبان نا تپاخت نا داوا کننگانے۔
وزارت دفاع نا کنڈآن جاری بیان نا رداٹ دا کارروائیک دشت آرچی و قلعہ زال نا ضلع غاتیٹی کننگار۔ بیان اٹی پاننگانے کہ داکارروائی ٹی 23طالبان تپاخت و کیہیک ٹھپی مسر وخت اس کہ طالبان تا کیہی ٹھکانہ غاتے بھس کننگا۔ بیان اٹی پاننگانے کہ تدوک آ 24گھنٹہ نا وخت آ ملک انا کیہی علاقہ غاتیٹی کارروائی تیٹی کم از کم 12فوجی کارندہ تپاخت کرینو۔ بیان نا رداٹ صوبہ فرح ، جوزجان و غزنی ٹی کیہی کارروائی تیٹی پین 12طالبان تپاخت کرینو۔ ہنداوڑ ہلمند اٹی اسہ جھیڑہ اسے ٹی 8عسکریت پسند آتے تپاخت نا داوا کننگانے۔
