اسلام آباد (پاکستان پوائنٹ نیوز۔28 جولائی۔2016) الیکشن کمیشن پنجاب و سندھ اٹی کیہی خورک نشست آتیا ضمنی گچین کاری کن پولنگ نا پوسکنا تاریخ نا فیصلہ ءِ کرینو۔ چیف الیکشن کمشنر جسٹس (ر) سردار رضاخان نا کماشی ٹی پنجاب و سندھ اٹی ضمنی گچین کاری نا بابت دیوان اس اڈ ہلک ہراٹی کمیشن نا پوسکن گچین مروک آ باسک آک شرکت کریر۔ دیوان نا وخت آ فیصلہ کننگاکہ پنجاب و سندھ انا پنچ حلقہ غاتیٹی ضمنی گچین کاری تیکن پوسکن ءُ تاریخ اس تننگک۔
کمیشن دیوان نا وخت آ دا فیصلہ ءِ ہم کرے کہ ساڑی آ گچین کاری تیٹی گچین مروک آ اومیت دار آتا نوٹیفکیشن ہم جاری کننگک۔ داکان مست 16جون آ چیف الیکشن کمشنر پنجاب و سندھ انا 5قومی و صوبائی اسمبلی تا حلقہ غاتیٹی الیکشن کمیشن نا غیر فعال مننگ نا سوب آن گچین کاری تے ملتوی کریسس۔ اوفتے ٹی قومی اسمبلی نا حلقہ این اے 63جہلم، این اے 162ساہیوال، پنجاب اسمبلی نا حلقہ پی پی 232وہاڑی، پی پی 240 ڈی جی خان و سندھ انا حلقہ پی ایس 127 کراچی اوارو۔
