چمن (پاکستان پوائنٹ نیوز۔28 جولائی۔2016) چمن پاک اوغان سیم آ ایف سی نا کنڈآن سیکورٹی نا سخت بست و بند ، اوغانستان تون غٹ غیر کانودی کسرتے پورو بند و اوفتا چاروکی ءِ پین سخت کننگانے۔ ایف سی کمامدار آتارداٹ پنچ شنبے آ پاک اوغان باب سنگتی نا کسر سیم پار ہنوک و بروک آتا کانودی سفری دستاویز آتے المی گوندنگا پاک اوغان سیم ءِ کراس کروک آ بندغ آتا پورو سفری دستاویز ات و جامع تلاشی آن گڈ اوفتے سیم پار کننگ نا موکل تننگ انگ ءِ۔
ایف سی نا رداٹ چمن اٹی غیر کانودی کسرتا بندش آن اسمگلنگ نا ہم پورو ی اٹ خاتمہ مسنے و پاک اوغان سیم ء ِ پاکستان نا کنڈآن پورو رکھ جوڑ کننگ کن دے و نن کوشست کننگ انگ ءِ وخت اس کہ پاک اوغان سیم آ دے و نن گشت انا چرجوئی ہم برجاءِ ، پاکستان و اوغانستان نا نیام اٹ واپاری گڑاتا ترسیل کروک آ ٹرک آتا پورو چیکنگ آن گڈ اوفتے سیم پار کننگ نا موکل تننگ انگ ءِ۔
