دمشق(پاکستان نیوز پوائنٹ 20نوری2016ء) شام انا قطب اٹی دہشت گرد تنظیم تا برخلاف برجاہ فرات ڈھال پنی ءُ فوجی آپریشن نا 149می دے 18دہشت گرد آتے تپاخت کننگانے۔ ترک سلہہ بند فوج شام اٹی 24اگست آن بناء کروک فرات ڈھال آپریشن اٹی داعش نا کیہی ٹھکانہ غاتے بھس کرینو و فوجی آپریشن نا چرجوئی برجاہ ءِ۔ ترک سلہہ بند فوج انا ہیڈ کوارٹر نا رداٹ ، آپریشن نا 149می دے دہشت گرد آتا کوزہ ٹی کیہی علاقہ غاتے واگزار کرفینو۔
کوزہ ٹی ہلوک آ فوجی گڑاتے ناکارہ جوڑ کننگانے۔ پاننگانے کہ داوخت اسکان داعش نا 60ٹھکانہ غاتیا 171جلہو کننگانے۔ شام انا سیم انا خڑک ترک فضائیہ نا جاسوس جہاز پدریسہ گشت کننگ ءِ وخت اس کہ ترک ہلال احمر و محکمہ قدرتی آفت و ہڑدڑی حالیت شامی مخالفت آتے پدریسہ امداد نا فراوانی ءِ برقرار تخانو۔ سلہہ بند فوج انا کوارٹر داہم پارینے کہ علاقہ ٹی شاری تا رکھ انا پورو خیال ءِ تخنگ انگ ءِ و ننا دا آپریشن نا مسخت سیمی علاقہ غاتیان داعش و ایلو دہشت گرد تنظیم تا پورو صفایا ءِ کرسا شام انا علاقائی سالمیت نا شرف ءِ کروئی ءِ ہراڑکن ترکی، اقوام متحدہ نا کانود نا پاسداری نا پابند ءِ ۔
