نیو یارک(پاکستان نیوز پوائنٹ 19نوری2016ء) اقوام متحدہ نا سیکرٹری جنرل انٹو نیو گوترش مسلمان تا برخلاف جلہو آتیٹی ودکی آ گڑتی نا درشانی ءِ کرسا، مچ آ دنیا ٹی فرقہ وارانہ کوشست آتا مقابلہ کننگ نا گرج آ زورشاغانے۔ نیو یارک اٹی ”مسلمان تا برخلاف خار تالان کننگ و تعصب آمیز رویہ اٹ مقابلہ“ نا سرحال آ اڈ ہلوک اسہ کانفرنس اسے آن تران کرسا انٹو نیو گوترش نا پاننگ ئس کہ مسلمان تا برخلاف متعصبانہ گام گیج آتیٹی ودکی بے کچءُ گڑتی اسے۔
اوپارے کہ مسلمان تا برخلاف متعصبانہ گام گیج آتیٹی دے پہ دے ودکی نا سوب انسانی عزت و وقار ءِ پدریسہ دھچکہ لگنگ ءِ۔ اقوام متحدہ نا سیکرٹری جنرل پارے کہ غٹ خلقت بے پرخ مذہب و ملت، عظیم انسانی راج انا باسک ءُ و ہر قوم و فرقہ نا دودوربیدہ ہی تشخص و اقدار نا شرف ءِ کننگ المی ءِ۔
