قطبی اوغانستان اٹی فضائی جلہو اٹی 40 شدت پسند تپاخت و کیہیک ٹھپی مسنو

قطبی اوغانستان اٹی فضائی جلہو اٹی 40 شدت پسند تپاخت و کیہیک ٹھپی مسنو

کابل(پاکستان نیوز پوائنٹ 29دسمبر2016ء) قطبی اوغانستان اٹی فضائی جلہو آتیٹی 40شدت پسند تپاخت و کیہیک ٹھپی مسنو ۔ اوغان میڈیا نا رداٹ ننگر ہار پولیس نا کنڈآن جاری مروک آ بیان اٹی پاننگانے کہ تدوک آ دے صوبہ نا علاقہ چھپر ہار اٹی امریکی جاسوس جہاز اس اسہ شکبر ٹھکانہ سے آ بمباری کرے ہراٹی 3عسکریت پسند تپاخت و7ٹھپی مسر۔ننگرہار اٹی گدرینگوک آ کیہی توتیٹی داعش و طالبان تا برخلاف کارروائی برجاءُ، ہراٹی داوخت اسکان سد آ عسکریت پسند آتے کسفنگ نا داوا کننگانے۔

قطبی صوبہ فاریاب اٹی فضائی جلہو توپ خانہ نا کارروائی ٹی 10طالبان تپاخت و 19ٹھپی مسنو۔ وزارت دفاع نا کنڈآن جاری مروک آ بیان اٹی پاننگانے کہ فضائی جلہو فاریاب نا ضلع قیصر اٹی کننگا ہراٹی حکومت مخالف ملیشیا بشمول طالبان تے نشانہ جوڑ کننگا۔ بیان اٹی پاننگانے کہ کارروائی ٹی 10 طالبان تپاخت و 19 ٹھپی مسنو۔ قطبی صوبہ قندوز اٹی آپریشن نا وخت 30 طالبان عسکریت پسند آتا کسفنگ نا داوا کننگانے۔

سیکورٹی ذرائع نا رداٹ دا کارروائی اوغان فوج انا 20می پامیر ڈویژن کننگ ءِ کمامدار آتارداٹ داوخت اسکان 30 عسکریت پسند تپاخت و کیہیک ٹھپی مسنو۔ داکان بیدس اوغان وزارت داخلہ کابل اٹی جاری مروک آ بیان اٹی پارینے کہ داعش نا برخلاف کارروائی برجاءُ و طالبان تیا پابندی تا بارواٹی فیصلہ اوغان الس کیک۔