بنجائی وزیر ڈٹ بندی پروفیسر احسن اقبال و زیراعلیٰ خیبرپختونخوا نا نیام اٹ بیجنگ اٹی گونڈ وو غیر رسمی اوڑدہی اس

بیجنگ(پاکستان نیوز پوائنٹ 28دسمبر2016ء) بنجائی وزیر ڈٹ بندی ، شونداری و اصلاحات پروفیسر احسن اقبال و وزیراعلیٰ خیبر پختونخواپرویز خٹک نا نیام اٹ چارشنبے آ بیجنگ اٹی گونڈ و غیر رسمی اوڑدہی اس مس۔ وزیراعلیٰ پرویز خٹک خیبرپختونخوا نا پوسکن آ ڈٹ آتا سی پیک اٹی اوار مننگ نا گمان آ است جمی نا درشانی ءِ کرے۔ داوخت آ پرویز خٹک پارے کہ جے سی سی دیوان اٹی بشخ ہلسا گچین آزموندہ دوئی مس و بھلو سرسہب اوڑدہی اس مس ہرانا دورس نتیجہ برآمد مریک۔

اوپارے کہ سی پیک پاکستان کن آخا بلکن مچ آ ڈیہہ کن گیم چینجر اس جوڑ مریک۔ اوپارے کہ سی پیک نا رداٹ ڈٹ آتیان خیبرپختونخوا و فاٹا نا علاقہ غاتا تقدیر بدلینگک۔ بنجائی وزیر احسن اقبال پارے کہ ننے خوشی ءِ کہ نیتون اوڑدہیک سرسہب مسر، خیبرپختونخوا ٹی پوسکن آ ڈٹ آتا سی پیک اٹی اوار مننگ آن پاکستان سوگو مریک۔ احسن اقبال پارے کہ بنجائی حکومت نا ہمیشہ کوشست مسنے کہ سی پیک اٹی غٹ صوبہ غاتے اوار کننگے و پسماندہ علاقہ غاتے شونداری نا دنگ اٹی اوار کننگ وزیراعظم پاکستان نا تغ انا تعبیر ءِ۔