افغان مہاجرین پاکستان سانگے ہک وڈا چیلنج ہن ،افغان سرحد کوں محفوظ بنڑائے بغیر پاکستان دہشت گردی تے قابو نی پا سگدا،

مشیر قومی سلامتی دا دورہ ایران انتہائی اہمیت دا حامل اے،مقبوضہ کشمیر اچ بھارتی مظالم تے عالمی فورمز تے آواز چیندے پئیوں بھارت نال بیک ڈور یا ٹریک ٹو کوئی رابطے کائنی ،مقبوضہ کشمیر اچ بھارتی مظالم دے خلاف اقوام متحدہ ،او آئی سی سمیت ہر عالمی فورم تے آواز چیسوں،وزیر دفاع خواجہ آصف دی سینٹ دی قائمہ کمیٹی برائے دفاع دے اجلاس،صحافیاں نال گالھ مہاڑ

افغان مہاجرین پاکستان سانگے ہک وڈا چیلنج ہن ،افغان سرحد کوں محفوظ بنڑائے بغیر پاکستان دہشت گردی تے قابو نی پا سگدا،
مشیر قومی سلامتی دا دورہ ایران انتہائی اہمیت دا حامل اے،مقبوضہ کشمیر اچ بھارتی مظالم تے عالمی فورمز تے آواز چیندے پئیوں بھارت نال بیک ڈور یا ٹریک ٹو کوئی رابطے کائنی ،مقبوضہ کشمیر اچ بھارتی مظالم دے خلاف اقوام متحدہ ،او آئی سی سمیت ہر عالمی فورم تے آواز چیسوں،وزیر دفاع خواجہ آصف دی سینٹ دی قائمہ کمیٹی برائے دفاع دے اجلاس،صحافیاں نال گالھ مہاڑ

اسلام آباد (پاکستان پوائنٹ نیوز۔25 جولائی۔2016) وزیر دفاع خواجہ آصف ' افغان صدر اشرف غنی ولوں پاکستان تے لاتے گئے اجوکے الزامات مسترد کریندیں ہوئیں آکھیا جو افغان حکومت الزام لاونڑ دی بجائیے پاکستان اچ موجود افغان مہاجرین دی واپسی تے توجہ ڈیوے۔فغان مہاجرین پاکستان سانگے ہک وڈا چیلنج ہن ،افغان سرحد کوں محفوظ بنڑائے بغیر پاکستان دہشت گردی تے قابو نی پا سگدا،مشیر قومی سلامتی دا دورہ ایران انتہائی اہمیت دا حامل اے،مقبوضہ کشمیر اچ بھارتی مظالم تے عالمی فورمز تے آواز چیندے پئیوں ۔

بھارت نال بیک ڈور یا ٹریک ٹو کوئی رابطے کائنی ،مقبوضہ کشمیر اچ بھارتی مظالم دے خلاف اقوام متحدہ ،او آئی سی سمیت ہر عالمی فورم تے آواز چیسوں،۔او سونوار کوں سینیٹ دی قائمہ کمیٹی برائے دفاع دے اجلاس اتے بعد اچ صحافیاں نال گالھ مہاڑ کریندے پئے ہن ۔انہاں آکھیا جو حکومت افغانستان نال سرحد کوں محفوظ بنڑاونڑ دا فیصلہ کیتے اتے ایں غرض نال طورخم بارڈر تے گیٹ وی لاتا ویندا پئے ،کہیں وی ملک کوں آپنڑی سرحدی انتظام موثر بنڑاونڑ دا حق ہوندے اتے اساں اوں حق کوں استعمال کریندے پیسے،مرحلہ وار اتے بئے داخلی جئیں تے وی سکیورٹی انتظامات کوں یقینی بنڑیسوں۔

انہاں آکھیا جا اساڈے پاسوں گیٹ لاونڑ تے اعتراض کرنڑ آلے ملک اچ وڑنڑ آلے پاکستانیاں اتے گاڈیاں دی وی سخت چیکنگ تھیندی اے اگر پاکستان آپنڑی سکیورٹی سانگے اے قدم چاتے تاں کہیں کوں اعتراض نی ہوونڑاں چاہیدا،پاکستان اچ دہشت گردی تے قابو پاونڑ سانگے افغانستا ن دی سرحد کوں محفوظ بنڑاونڑ ضروری تھی گئے ۔ہک سوال دے جواب اچ انہاں آکھیا جو افغان حکومت کوڑمریندی پئی اے،باچا خان یونیورسٹی اتے اے پی ایس حملے اچ بھارت دا افغانستان نال دہشت گردی کرنڑ تے سارے ثبوت افغان حکومت کوں ڈے ڈتے گئن ۔

انہاں آکھیا جو مقبوضہ کشمیر اچ بھارتی مظالم دے خلاف اقوام متحدہ،او آئی سی سمیت ہر عالمی فورم تے آواز چیسوں،سشما سوراج دا اجوکا بیان ایں گالھ دا اعتراف اے جو مقبوضہ کشمیر دے اندر ایں ویلھے جیڑھی تحریک دی شدت اے او پہلے کڈاہیں کائنا ہئی اتے ایں نویں نسل دی تحریک زور پکڑ گئی اے۔