اقوام متحدہ(پاکستان نیوز پوائنٹ 22دسمبر2016ء) اقوام متحدہ ناسیکرٹری جنرل بان کی مون پارینے کہ شام انا بارواٹی خننگوک آ غٹ تر اختلاف آتا باوجود امریکہ و روس انا نیام اٹ کمکاری برجاء سلنگ نا گرج ءِ۔احوالکارآتارداٹ تینا اسہ بیان اسے ٹی بان کی مون پارے کہ امریکی وزیر خارجہ جان کیری و روسی وزیر خارجہ لاروف نا نیام اٹ کمکاری بھاز انگا ویل آتا ایسری ٹی کمکار جوڑ مننگ کیک۔
اوشام اٹی کیمیائی سلہہ غاتا کاریم اٹ اتنگ و دا ملک اٹی جنگ بندی نا نفاذ نا بارواٹی امریکہ و روس انا نیام اٹ کمکاری نا کنڈا اشارہ کرسا پارے کہ شام اٹی لس شاری تے امداد فراوان کننگ نا بایدے موکل تننگے۔ اواومیت ظاہر کرے کہ امریکہ و روس انا نیام اٹ اختلاف آتا برجاء سلنگ نا باوجود کیہی ویل آتا ایسری ٹی اسہ ایلو تون کمکاری برجاسلنگ نا گرج ءِ۔ یات سلے کہ اقوام متحدہ نا سیکرٹری جنرل بان کی مون 31دسمبرآتینا عہدہ آن سبکدوش مننگ ءِ و یکم جنوری آن انٹونیوگوٹریس اونا جاگہ ءِ سنبھالنگ والا ءِ۔
