سعودی ولی عہد شہزادہ محمد بن سلمان واشنگٹن آ سرمس، امریکی سروک آتون اوڑدہی تیٹی داعش نا برخلاف گام گیج آتیا درشانِ خیال

سعودی ولی عہد شہزادہ محمد بن سلمان واشنگٹن آ سرمس، امریکی سروک آتون اوڑدہی تیٹی داعش نا برخلاف گام گیج آتیا درشانِ خیال

واشنگٹن۔ (پاکستان پوائنٹ نیوز۔21 جولائی۔2016) سعودی عرب نا نائب ولی عہد و وزیر دفاع شہزادہ محمد بن سلمان بن عبدالعزیز امریکی دارالحکومت واشنگٹن آ سرمس ہراڑے او داعش نا سرکوبی کن عملی گام گیج آتے کن امریکی سروک آتون اوڑدہی کرے او داعش نا برخلاف برسرجنگ بین الاقوامی اتحاد نا ارٹ میکو دیوان اٹی شریک سعودی ڈل انا سروکی ءِ کیک۔ دادیوان کنا لینڈ انا امریکی فوجی اڈہ ٹی اڈ ہلیک۔

دیوان اٹی داعش نا برخلاف بین الاقوامی اتحاد نا عسکری کارروائی تا سرانجام دہی و داڑآن بابت ایلو معاملہ غاتے شرہ ٹی ہتنگک۔ سعودی سرکاری ڈل اٹی نائب ولی عہد آن بیدس شاہی دفتر نا سلاہکار ڈاکٹر محمد عیسی ، شاہی دفتر نا سلاہکار و وزیر دفاع نا دفتر نا چاروک عام فہد العیسی، شاہی دفتر نا سلاہکار رافت الصباح ، چیف آف جنرل اسٹاف کمیٹی جنرل عبدالرحمان البنیان و وزیر دفاع نا عسکری سلاہکار بریگیڈیئر جنرل احمد عسیری اوارو۔ اوفتیان بیدس ڈل انا باسک آتیٹی شاہی دفتر نا سلاہکار ڈاکٹر عزام الدخیل، سعودی کابینہ نا سیکرٹریٹ نا سلاہکار احمد الخطیب و عراق اٹی خادم حرمین شریفین نا سفیر ثامر السبحان ہم اوارو۔