سعودی عرب نا بلوچستان اٹی صوفی بزرگ حضرت شاہ نورانی نا مزار آ خودکش جلہو نا ترندی اٹ مذمت

ریاض(پاکستان نیوز پوائنٹ 14نومبر2016ء) سعودی عرب بلوچستان اٹی صوفی بزرگ حضرت شاہ نورانی نا مزار آ خود کش جلہو نا ترندی اٹ مذمت ءِ کرینے۔ سعودی پریس ایجنسی نا رداٹ سعودی وزارت خارجہ نا کنڈآن جاری بیان اٹی پاننگانے کہ سعودی عرب برادر اسلامی ملک پاکستان اٹی دہشت گردی نا داواقعہ نا ترند ی اٹ مذمت ءِ کیک ہراٹی کیہی درزن بندغ تینا جان تیان دوتے سلانو۔ بیان اٹی پاکستان نا حکومت الس و کہوک آتا خاہوت آتون ڈکھ وغم و یکجہتی نا درشانی ءِ کرسا ٹھپی تا زوت جان جوڑی کن نیک است خواہی تا درشانی ءِ کننگانے۔