ڈونلڈ ٹرمپ 276الیکٹورل ووٹ گرگ ءَ امریکہ ءِ 45می صدر گچین ہیلری کلنٹن ءَ فون کنگ ءَ مبارکباتی

ڈونلڈ ٹرمپ 276الیکٹورل ووٹ گرگ ءَ امریکہ ءِ 45می صدر گچین ہیلری کلنٹن ءَ فون کنگ ءَ مبارکباتی

واشگٹن(پاکستان نیوز پوائنٹ 9نومبر2016ء) امریکی اپوزیشن گل ءِ امید وار ڈونلڈ ٹرمپ 276الیکٹورل ووٹ گرگ ءَ امریکہ ءِ 45می صدر گچین بوتگ۔ ارب پتی تاجر ءُُ ریلٹی ٹی وی سٹار ڈونلڈ ٹرمپ ءَ حکمران گل ڈیمو کریٹ پارٹی ءِ امیت وار ءُُ گوست زالبول اول ہیلری کلنٹن ءَ شکت دئیگءَ درستیں دگنیا ءُُ امریکہ ءَ رائے عامہ ءِ چار ءُُ تپاس ءَ گلط ثابت کرتگ۔ ہیلری کلنٹن ءَ امریکہ ءِ باز شمالی ءُ باز جنوبی ریاست آں سر سوبی گپتگ ءُُ آھاں 218الیکٹورل ووٹ گپتگ۔

ڈونلڈ ٹرمپ ءَ وتی گچینکاری مہم ءِ وھد ءَ وت ءَ بدلی ءِ حامی ءُُ ” سٹیٹس ءَ“ ءِ سک مخالف ءِ پڑ ءَ پیش کرتگ۔ آئی ءَ امیگریشن ءِ نظام ءَ گہتری آرگ، حکومتءِ نیمگ ءَ درست کنگ ءُُ بازیں واپاری معاہدہ ھلاس کنگ ءِ نعرہ جتگ۔ فتح ءَ پد وتی حامی آں تران کنگ ءَ آئی ءَ وتی حریف ہیلری کلنٹن ءَ ستا پیش کرتگ۔ آئی ءَ وتی ھاندان ءِ مردم ءُُ سنگت آن ہم ستا پیش کرتگ۔

آئی ءَ گشتگ کہ مہلوک ءَ آھاں شریں باندات ءِ ھاتر ءَ ووٹ داتگ۔ آئی ءِ کِر ءَ شریں معاشی منصوبہ است انت۔ مخالف آں ہم گوں بہ بارت ءُُ اختلاف ھلاس کنگ ءَ ملک ءَ یکجا بہ کنت۔ ڈونلڈ ٹرمپ درستیں دگنیا ءَ کار گِس ٹاورز ، ہوٹل، کیسینیوز، گالف کورسز ءُُ دومی دست گٹ جاہ آنی مالک انت۔ آئی ءِ واپاری ترندی ءِ سروکی ٹرمپ آرگنائزیشن کنت۔ آئی ءِ آ وت صدر انت۔

آ رئیل اسٹیٹ ءِ کار ءُُ بار ءَ ہمگرنچ انت۔ آئی ءَ 1965ءَ وارٹن سکول آف فنانس ءَ گریجویشن کرتگ۔ آئی ءِ زانگ 20کروڑ ڈالر مالیت ءِ 58منزلہ ٹرمپ ٹاور انت کہ آ نیویارک ءِ معروف دمگ مین ہیٹن ءِ وسط ءَ ھست انت۔ آئی ءِ ھستیں لوگی سلووینیا ءِ سیادی داروک آں ماڈل میلا نیا آئی ءِ سیمی لوگی انت۔ آ ایشی ءَ دیما دو زالبول آں طلاق داتگ انت۔ وتی سیاسی کیریئر ءِ بندات آئی ءَ 1980ءِ دہائی ءَ کرتگ آ ریفارم پارٹی ءُُ ڈیمو کریٹک پارٹی ءِ باسک انت ءُُ آھر ءَ ریپبلکن پارٹی ء َ ھوار بوتگ۔

آئی ءَ وتی متنازع بیان آنی وجہ ءَ شہرت گپتگ آئی ءَ میکسیکو ءِ تارکین وطن آنی سرا منشیات ءِ سمگلنگ ءِ ڈوبہ ءُُ مسلمان آں امریکہ ءَ داخلہ بند کنگ ءِ ھاسیں وڑ ءَ گپ کرتگ انت۔ ساڑی امریکہ صدارتی گچینکاری ءِ ھاسیں گپ ایش انت کہ ریپبلکن پارٹی ءِ فاتح امیت وار ڈونلڈ ٹرمپ گوستءَ ڈیمو کریٹک پارٹی چوشکہ ڈیمو کریٹ صدارتی امیت وار ہیلری گوست ءَ ریپبلکن پارٹی ءِ باسک منتگ انت۔ ہیلر ی کلنٹن ءَ وتی شکست مننتگ انت ءُُ ڈونلڈ ٹرمپ ءَ فون کنگ ءَ آئی ءَ آئی سر سوبی ءِ سرا مبارکباتی داتگ انت۔