قطبی اوغانستان اٹی برام اسے نا دود اٹی مارٹر گولہ نا ترخنگ آن 7بندغ تپاخت ،

قطبی صوبہ قندوز اٹی آپریشن و فضائی جلہو آتیٹی طالبان نا شیڈوگورنر تون اوار13عسکریت پسند آتے تپاخت کننگ نا داوا

قطبی اوغانستان اٹی برام اسے نا دود اٹی مارٹر گولہ نا ترخنگ آن 7بندغ تپاخت ،
قطبی صوبہ قندوز اٹی آپریشن و فضائی جلہو آتیٹی طالبان نا شیڈوگورنر تون اوار13عسکریت پسند آتے تپاخت کننگ نا داوا

کابل(پاکستان نیوز پوائنٹ 4 نومبر2016ء) قطبی اوغانستان اٹی برام اسے نا دود اٹی مارٹر گولہ نا ترخنگ آن 7بندغ تپاخت و 10ٹھپی مسنو، قطبی صوبہ قندوز اٹی کمامدارآک آپریشن وفضائی جلہو آتیٹی طالبان نا شیڈوگورنر تون اوار 13عسکریت پسند آتے تپاخت کننگ نا داوا کرینو۔ اوغان میڈیا نا رداٹ کمامدارآک پاریر کہ تدوک آ دے فاریاب نا علاقہ خوسہ قلعہ ٹی برام اسے نا دود جاری ئس کہ ہمووخت آ مارٹر گولہ اس تما۔

مارٹرگولہ نا ترخنگ آن 7بندغ تپاخت و برامی تون اوار 10بندغ ٹھپی مسر۔ ٹھپی تے طبی امداد کن ہسپتال آ گدریفنگانے۔ داعلاقہ ٹی عسکریت پسند آتا برخلاف آپریشن ہم جاری ءِ و کمامدارآک پارینو کہ فی الوقت دا پاننگ مفک کہ گولہ ءِ دیر فائر کرے۔ قطبی صوبہ قندوز اٹی کمامدارآک آپریشن و فضائی جلہو آتیٹی طالبان نا شیڈوگورنر تون اوار 13عسکریت پسند آتے تپاخت کننگ نا داوا کرینو۔ اوغان کمامدارآتارداٹ دا کارروائیک صوبائی دارالحکومت نا خڑک کننگار۔ کمامدارآک پارینو کہ کہوک آتیٹی طالبان نا شیڈو گورنر ہم اوارے۔ قندوز اٹی اسہ دے مست اتحادی جنگی جہاز آتا بمباری ٹی 30شاری تپاخت کریسر۔