کابل(پاکستان نیوز پوائنٹ 3 نومبر2016ء) اوگان فورس ءَ شمالی صوبہ فاریاب ءَ آپریشن ءِ وھد ءَ 31عسکریت پسند آنی بیرانی ءِ دعویٰ کرتگ انت، ننگر ہار ءَ بالی اُرش ءَ داعش ءِ شش جنگجو بیران بوت انت، پکتیکا ءَ کارروائی ءَ حقانی گروپءِ یک ھاسیں کمانڈر ءَ کشگ ءِ دعویٰ کرتگ انت۔ اوگان میڈیا ءِ فاریاب ءِ گورنر سید انورار سادات ءَ گشتگ کہ خواجہ سبز پوش ءِ ضلع ءَ طالبانءُُ دومی عسکری گروپ آنی ھلاپ کارروائی برجاہ انت ءُُ تنے وھدے سیکورٹی فورسز ءِ گوں جنگ ءَ 31عسکریت پسند بیران بوتگ انت آھاں زیات تر طالبان ھوار انت۔
صوبہ ننگر ہار ءَ بالی اُرش ءَ داعش ءِ شش جنگجو بیرانبوت انت۔ اوگان وزارت دفاع ءِ نیمگءَ برجاہ بوؤکیں یک بیانءَ گشتگ انت کہ ننگر ہار ءِ ضلع پیشرا گام ءَ داعش ءِ یک ٹھکانہ ءَ نشانگ جوڑ کرت انت۔ اے کارروائی ءَ شدت پسند تنظیم ءِ 6جنگجو جنئگ بوت انت۔ صوبہ سرائے پل ءَ طالبان ءَ بازیں ھلک آنی سرا قبضہ کرت انت۔ اوگان میڈیا ءِ ردا پدا پولیس ءُُ سیکورٹی کارندہ اے دمگ آں در بوتگ ات انت۔ اوگان وارت داخلہ ءِ نیمگ ءَ کابل ءَ برجاہ بوؤکیں یک بیان ءَ گشتگ انت کہ رو برکتی اوگانستان ءِ صوبہ پکتیکا ءَ یک کارروائی ءَ حقانی گروپ ءِ یک ھاسیں کمانڈر بیران بوتگ انت۔ بیانءَ گشتگ انتکہ سیکورٹی فورسز ءِ کارروائی ءَ کمانڈر ولید المعروف جمشید ءَ نشانگ جوڑ کرتگ۔
