تہران(پاکستان نیوز پوائنٹ 2 نومبر2016ء) ایران ءِ نائب صدر علی اکبر صالح ءَ گشتگ انت کہ ایران ترکی ءِ گوں خطہ ءَ درستیں مسئلہ ھل کنگ ءِ باروا سول ءُُ تران ءِ ھاتر ءَ تیار انت آئی ءَ اے ھیال آنی درشانی ایران ءِ ھبر رساں ایجنسی ءَ بیان دئیگ ءَ کرتگ۔ آئی ءَ گشتگ کہ خطہ ءَ امنءُُ محکمی ءِ ھاتر ءَ ترکی ءُُ سعودی عرب ءِ گوں سولءُُ تران ءِ ھاتر ءَ تیار انت۔
آئیءَ خطہ ءَ در ملکی قوت آں گوں ہم سولءُُ ترانءِ ھاتر ءَ مسئلہ ھل کنگءِ دست بندی کرتگ انت۔ ایران ءِ اٹامک انرجی کمیشنءِ سروک ءِ ہم جہت داروک صالح ءَ گشتگ انت کہ دمگ ءِ دو ھاسیں قوت ترکیءُُ سعودی عرب دمگ ءَ ھاسیں کرد پیش داشت کن انت۔ آئیءَ گشتگ کہ اے ملک آں خطہ ءَ کشیدگی پیداک کنگ ءِ جاہ ءَ جوڑءُُ جاڑی ءُُ شریں کرد پیش داشت کن انت۔
