سی پیک پاکستان ءِ شون ہلوک قوم، علاقائی اقتصادی بنجا و جہانی اقتصادی پڑ اٹ پنی ءُ ملک اس جوڑ کننگ کیک،

برطانوی ایوان اٹی اڈ ہلوک آ دود آن پاکستان نا ہائی کمشنر سید ابن عباس و ایلو ترانکار آتا تران

سی پیک پاکستان ءِ شون ہلوک قوم، علاقائی اقتصادی بنجا و جہانی اقتصادی پڑ اٹ پنی ءُ ملک اس جوڑ کننگ کیک،
برطانوی ایوان اٹی اڈ ہلوک آ دود آن پاکستان نا ہائی کمشنر سید ابن عباس و ایلو ترانکار آتا تران

لندن(پاکستان پوائنٹ نیوز 16 مئی 2018ء) برطانیہ ٹی پاکستان نا ہائی کمشنر سید ابن عباس سی پیک ءِ مچ آ ڈیہہ کن گیم چینجرڈٹ اس گوندسا درملکی خاص کر برطانوی زرکارآتون پارے کہ او دا ڈٹ انا رداٹ پاکستان اٹی ودی مروک آ بزنس و زرکاری نا وارخواہی تیان پبی فائدہ ہرفر۔ اوداخیال آتا درشانی ءِ بیلٹ اینڈ روڈ اانیشی ایٹو و سی پیک آ برطانوی پارلیمنٹ نا ہڑتوم آ ایوان تیٹی جتا جماعت آتیان تعلق تخوک آ باسک آتیا تالان آل پارٹیز پارلیمنٹری گروپ نا کنڈآن برطانوی ایوان نا میکملن روم اٹ اڈ ہلوک آ دود آن تران اٹی کرے۔

دود آن برطانوی باسک پارلیمنٹ کیون ہولن ریک، پاکستان نا مسکوہی وزیر اطلاعات جاوید جبار، مشتاق لاشاری، اے پی پی جی نا عہدیدار لزٹوسٹ، ایم پی آفتاب صدیقی، سنڈی برمن وپاکستان کن برطانیہ نا مسکوہی ہائی کمشنر مارک لائل گرانٹ ئسک ہم تران کریر۔ ترانکار آک پاریر کہ سی پیک اسہ بھلو حد اسسکان بھلو کچ اسے ناگیم چینجر ڈٹ اسے ہرا پاکستان ءِ شون ہلوک قوم، علاقائی اقتصادی بنجا و جہانی اقتصادی پڑ اٹ پنی ءُ ملک اس جوڑ کننگ کیک۔

دا ڈٹ اٹی ڈیہہ نا ایلو ملک آک بشمول سعودی عرب، متحدہ عرب امارات، اومان، نیامی ایشیائی ریاست، روس اتون اوار اوار داپڑوسی ملک آتے کن ہم گمان ساڑی ارے ہرا داوخت آن ڈٹ انا بارواٹ منفی یا شک آن پُر تاثر تخرہ۔ ترانکارآک پاریر کہ سی پیک نئے بیرہ پاکستان کن شونداری و شونہالی نا پوسکن ءُ دور اس اتیک بلکن دا ڈیہہ نا امن کن ہم کڑد ادا کیک۔