اقوام متحدہ نا سیکرٹری عراقی الس ءِ پارلیمانی گچین کاری تا اڈتننگ آ مبارکباد

اقوام متحدہ (پاکستان نیوزپوائنٹ 14 مئی 2018ء) اقوام متحدہ نا سیکرٹری جنرل انتونیوگوترش عراقی الس ءِ پارلیمانی گچین کاری تا سرسہب اڈتننگ آ مبارکبادی تسنے۔ جنرل سیکرٹری نا ترجمان نا کنڈآن جاری بیان اٹی ملک اٹی پارلیمانی گچین کاری تا اڈتننگ ءِ داعش نا شکست آن پد جمہوریت نا سوگوی نا سفر اٹی و اہم مزل نا نشان اس گوندنگانے۔ دا گچین کاری تیٹی عراق نا 87 سیاسی جماعت آتا ہفت ہزار اومیت دار بشخ ہلکر۔ سیکرٹری جنرل تینا بیان اٹی دا گچین کاری تا سرسہب اڈ تننگ اٹ عراقی الیکشن کمیشن نا کارندہ غاتا اہم کڑد انا ستاءِ ہم کرے۔ اوعراقی سیاسی جماعت و سیاسی راہشون آتیان خواست کرے کہ او ملک اٹی امن ءِ برقرار تخنگ اٹ تینا کڑد ءِ ادا کیر و حکومت نا ٹہیفنگ نا عمل ءِ زوت پورو کیر۔