انڈونیشیا ، موٹرسائیکل سوار آتا سورابایاٹی پولیس ہیڈ کوارٹر آ خود کش جلہو، کارندہ تپاخت

جکارتہ (پاکستان نیوزپوائنٹ 14 مئی 2018ء) انڈونیشیا ٹی گرجاگھر آتیا خود کش جلہو آتے ٹی اسہ دے آن پد موٹرسائیکل سوار آک ملک انا ایلو بھلا شار سورابایا ٹی پولیس ہیڈ کوارٹر آ خودکش جلہو کرینو ہراٹی کم از کم اسہ پولیس کارندہ اس تپاخت کرینے۔ یک شنبے نادے ملک اٹی مسہ گر جاگھر آتیا جلہو آتے ٹی 14 بندغ تپاخت کریسر۔ دے ٹکی جاواپولیس نا ترجمان فرانس بارنگ منگیرا پارے کہ سی سی ٹی وی فوٹیج نا رداٹ موٹرسائیکل آ سوار جلہو گیر آتے ٹی اسہ نیاڑی اس ہم اوار ئس ہراچیک پوسٹ آ توننگ آ تینے تینٹ ترخفے۔