لندن (پاکستان نیوزپوائنٹ 14 مئی 2018ء) شاہ عبداللہ عالمی مکالمہ بین المذاہب بنجانا سیکرٹری جنرل فیصل محمد معمر پارینے کہ 4 ارب مسلمان، عیسائی و یہودی مذہب ءِ بیدادی کن کاریم اٹ اتنگ نا مخالف ءُ ۔ لندن اٹی رابطہ عالم اسلامی و آکسفورڈ اسلامک اسٹڈیز سینٹر نا کنڈآن مروک آ امن کانفرنس آن تران کرسا سیکرٹری جنرل فیصل محمد معمر پارے کہ چندی مذہب آتا نیام اٹ ہیت وگپ و کمک المی ءِ۔
تین پہ تینی درستی راستی آن اسہ ایلو نا شر ف جوزہ ودی مریک۔ اوپارے کہ 84 درسد خلقت دینی عقیدہ تخرہ۔ امن و ایمنی نا ٹہیفنگ اٹ دینی اقدار نا زہم آک بھاز بھلن ءُ۔ اگہ مذہب آتا پیشوا ک اسہ ایلو تون کمک کیر تو کثیر مذہبی راج جوان ءُ دروشم اسے اٹ جوڑ مننگ کیک۔ اومستی پارے کہ مچ آ دنیا ٹی 4ارب مسلمان، عیسائی و یہودی دین ءِ بیدادی کن کاریم اٹ اتنگ نا مخالفت ءِ کیرہ۔