شامی شاری تے امداد نا فراوانی کن امدادی قافلہ ءِ زوت دُوارہ رادہ کننگک، اقوام متحدہ

اقوام متحدہ(پاکستان نیوز پوائنٹ 22ستمبر 2016ء) اقوام متحدہ نا پاننگ ءِ کہ او شام اٹی انسانی بنداو تیا امداد نا ترسیل نا تیاری ءِ کننگ ءِ و زوت ہی امدادی قافلہ ءِ اسہ وار ولدا لس شاری تسکان امداد نا فراوانی کن رادہ کننگک ۔ جرمن احوالی تارداٹ اِرا دے مست اسہ امدادی قافلہ سے آ ممکنہ وڑاٹ اسہ فضائی جلہو اسے ٹی 21بندغ نا تپاخت آن گڈ جہانی ادارہ شام اٹی تینا امدادی سرجزوآتے عارضی وڑاٹ معطل کریسس۔ اقوام متحدہ نا انسانی امداد نا رابطہ دفتر نا اسہ ترجمان اس پارے کہ پوسکنا امدادی قافلہ تیار ءِ و اودے ہراوخت کہ مس اودے اونا کاریم نا بناء کن پاننگک۔ یات سلے کہ حلب شار اٹی امدادی قافلہ غا جلہو نا بابت آن اقوام متحدہ جاست و پاست نا پڑو ءِ ہم کرینے۔