نیویارک (پاکستان نیوزپوائنٹ 24اپریل 2018ء) اقوام متحدہ ءَ پاکستان ءِ ” مستقل مندوب“ ڈاکٹر ملیحہ لودھی ءَ گوشت کہ ورنائیں مردم جیڈھ آں چہ بچگ ءُُ ایشانی ھلاسی یا گیواری ءِ ھاترا مھکمیں کرد ءِ ازم ءَ دار ایت، جوانیں سسا ءُُ جوانیں امیتی ورنا ءُُ چاگرد ءَ مٹی آرگ سہرا بنت، ایشانی اے ساچستی ازمکاری ءَ را ایمنی ءِ برجائی ءُُ جیڈھ ءِ گیواری ءِ واستہ کارمرد کنگ بیت کنت۔
ڈاکٹر ملیحہ لودھی ءَ اے گپ اقوام متحدہ ءِ سلامتی کونسل ءِ ’ یوتھ، پیس اینڈ سیکیورٹی“ءِ بُن گپ ءِ سر ءَ یک دیوانے ءَ گشتانک دیان ءَ کت۔ ڈاکٹر ملیحہ لودھی ءَ گوشت کہ مرچی ورنا آناں آوانی توامیں ازمکاری آنی گوما لستیں ٹوھیں چیلنجز آنی گوما دیم پہ دیمی اِنت، ایشانی تہءَ چاگردی جھلگ ءُُ برزگ ءُُ موہ آنی کمی ھوار اَنت۔ پاکستان ءِ مستقل مندوب ءَ گوشت کہ اے گامگیج ءِ چیر دستی ءَ توامیں دلگوشی ورنائیں مردم آناں وت مستر کنگ ءِ سر ءَ انت ءُُ ایشی ءَ را بنیاتی پڑ ءَ پیسلہ سازی ءِ کار ءَ را ھوار کنگ بوھگ ءَ اِنت، اے رنگ ءَ آئی ءَ را آیوکیں باندات ءَ پاکستان ءِ لیڈر جوڑ کنگ ءِ واستہ موہ دیگ بوھگ ءَ انت۔
ڈاکٹر ملیحہ لودھی ءَ گوشت کہ مزن وزیر ءِ یوتھ پروگرام ءَ انوگ ءَ تاں 10 لکھ ورنا سیت مند بوتگ اَنتءُُ ایشاناں اے پروگرام ءَ ٹوھیں وانگ ءُُ زانگ ، ھیل کاری ءُُ روزگار ءَ تاں رسائی مل اِتگ۔
