لندن (پاکستان نیوزپوائنٹ 19اپریل 2018ء) مزن وزیرشاہد خاقان عباسی ملیریا ءِ ھلاسی ءِ واستہ بوھوکیں سمٹ ءَ بھر زوری ءِ واستہ پُج اِت۔ ملیریا ءِ ھلاسی ءِ واستہ دیوان دولت ء ِ مشترکہ ءِ سروک مملکت دیوان لندن ءَ بوھگ ءَ انت۔ سمٹ ءِ برجائی بل اینڈ ملنڈا گیٹس ءُُ ایندگہ میاں اوستمانی ادارگ آنی شریکدار آں گوں کنگ بوھگ ءَ انت۔ دیوان ءَ پرنس آف ویلز ھم گشتانک دنت۔
یات دارگ بہ بیت کہ 2ہزار ءَ چہ انوں ءَ تاں کتگیں کوشست آں چہ سرجمیں دگنیا ءَ ملیریا ءِ سبب ءَ بوھگوکیں 60درسد مرک آنی سر ءَ گر ءُُ دار کنگ بوتگ وھدیکہ ملیریا ءِ ھلاپ ءَ کتگیں گامیگیج سرجمیں دگنیا ءِ 70 لکھ مردم آنی جان بچارینگ بوت۔ دُگنیا ءِ نیم آباتی ءَ را مرچی ھم ملیریا ءِ بیم اِنت ءُُ سرجمیں دُگنیا ءَ کساس 5پنچ لکھ مردم ھمک سال ملیریا ءِ نتیجگ ءَ بیران بنت۔
ملیری اءِ ھلاسی اقوام ءِ متحدہ ءِ مھکمیں دیمروئی ھد ءُُ ابیل آنی بھر اِنت۔ ملیریا ءِ ھلاسی ءِ واستہ ھرچ کتگیں یک ڈالر معاشی ءُُ چاگردی رنگ ءَ برجائی ءِ سبب جوڑ بنت۔ لندن ءَ بوھوکیں ملیرییا سمٹ میاں اوستمانی سروکیں ، حکومت ءُُ جان سلامتی ءِ واستہ کار کنوکیں ادارگ آناں یکجاھ بوھگ ءُُ کار کنگ ءِ موہ پُجارین ایت۔ سیاسی ، چاگردی، اقتصادی لیڈرز ءُُ جان سلامتی ءُُ ٹیکنالوجی ءِ بلدکار کانفرنس ءَ ملیری اءِ سرجمی ءَ ھلاسی ءِ واستہ پالیسی ءِ سر ءَ گپ ءُُ تران کنت۔
