لندن (پاکستان نیوزپوائنٹ 19اپریل 2018ء) مزن وزیر شاہد خاقان عباسی ملیریاءِ ھلاس بوھگءِ ھاترءَ سمٹ ءَ ھوار بوھگءِ ھاترءَ سربوتگ۔ ملیریاءِ ھلاس کنگءِ ھاترءَ ھڈ کتگیں دیوان دولت یکجائی ملک سروکانی دیوان ء ِ موھءَ لندنءَ بوھگءَ اِنت۔ سمٹ بل اینڈ ملنڈ اگیلٹس ء ُ دگہ میاں اوستمانی ادارگانی شریداری ءَ گوں کنگ بوھگءَ اِنت۔ دیوانءِ تہا پرنس آف ویلز ھم تران کنت۔
زانگ بہ بیت کہ 2ہزار ءَ تاں انوں کتگیں کوشستانی تہا سرجمیں دنیاءَ چہ ملیریا ءِ سوبءَ بوتگیں 60درسد بیرانی گرء ُ دار کنگ بوتگ اَنت وھدے کہ ملیریا ءِ ھلاپ ءَ کتگیں گامگیجاں چہ سرجمیں دنیاءِ 70لکھ مردمانی جان رکھینگ بوتگ اَنت۔ دنیاءِ نیم آباتی ءَ را مرچی ملیریاءَ تا ھترہ اِنت ء ُ دنیاءِ تہا 5لکھ ءِ نزیک ءَ مردم ھمک سال ملیریاءِ سوبءَ بیران بنت۔
ملیریا ءِ ھلاس کنگءَ اقوام متحدہ ءِ مھکمیں دیمروئی اہداف ءِ بھر اِنت۔ ملیریا ءِ ھلاس کنگءِ ھاترءَ ھرچ کتگیں یک ڈالر معاشی ء ُ چاگردی بحالی ءِ سوب جوڈ بوت کنت۔ لندن ءَ بوتگیں ملیریا سمٹ میاں اوستمانی ر ئنما، حکومت ء ُ جانء ُ سلامتی ءِ ھاترءَ یک جاھ کار کنگءِ موھ دنت۔ سیاسی ، سماجی ، اقتصادی لیڈرز ء ُجانء ُ سلامتی ء ُ ٹیکنالوجی ءِ زانت کار کانفرنسءِ تہا ملیریا ءِ سرجمی ھلاسیءِ ھاترءَ پالیسی ء ِ سرءَ گپ کن اَنت۔
