امریکہ ءَ پاکستانءِ سفیر اعزاز احمد چوہدری ءِ امریکہ ءِ ورجینیا کامن ویلتھ یونیورسٹیءَ مراگشءَ گوں تران

واشنگٹن(پاکستان نیوزپوائنٹ 17اپریل 2018ء) امریکہ ءَ پاکستانءِ سفیر اعزاز احمد چوہدری ءِ امریکہ ءِ ورجینیا کامن ویلتھ یونیورسٹیءَ مراگشءَ گوں تران کتگء ُ دوھیں ملک آنی دونیمگی پاھدگ ءَ را گیش کنگءِ گامگیجاناں جاری دارگءِ ھوالگءَ سکین داتگ۔ آئیء َ گشتگ کہ پاکستان بانداتءَ امریکہ ءَ گوں دونیمگی سیادی ءَ را گیش کنگءِ ھوالگءَ گپ ء ُ ترانءِ عملءَ را جاری داریت۔

ورجینیا کامن ویلتھ یونیورسٹی( وی سی یو) ءِ تہا ناری ءِ نانءَ ھوار بوھگءِ وھدءَ آئیءَ امریکی حکام ءَ ھوار امریکہ ءَ استیں پاکستانی کمیونٹی ءَ گوں نزیکی کنوکیں مردماں گوں گند ء ُ نند کتگ۔ پاکستان ء ُ امریکہ ءِ نیامءَ وانگء ُ زانگ ، دودء ُ ربیدگ ، دیمپانی ء ُ سلامتی ءَ ھوار بازیں پڑانی تہا دونیمگی کمک ء ُ سیادی ءِ تہا گہتری کنگءِ ضلورتءِ سرءَ زور پِرداتگء ُ گشتگ کہ دوھیں ملک دونیمگی پاھدگ ءِ ھاترءَ گہتریں سیادی جوڈ کن اَنت ۔ وی سی یو ءِ تہا ، سفیر ءَ ہیمفریری فیلوشپ پروگرام ءِ باسکانی گوما یونیورسٹی ءِ تہااستیں پاکستانی نودربرانی گوما ھم گپء ُ تران کتگ۔