مزن وزیر شاہد خاقان عباسی ءِ میاں اوستمانی سروک ءِ ھمبراھ 24 ملک آنی یکجاھی ارد ی ایکسرسائز ”گلف شیلڈون“ ءِ گڈی مراگش ءَ بھر زوری پاک ارد ءِ دستہ، پاک فضائیہ ءِ سی 130، جے ایف 17 تھنڈر بالیگ، پاک بحریہ ءِ آپی جہاز ءُُ سپیشل سروسز گروپ ءِ کمانڈوز آں ایکسرسائز آنی تہءَ بھر زوری کت

مزن وزیر شاہد خاقان عباسی ءِ میاں اوستمانی سروک ءِ ھمبراھ 24 ملک آنی یکجاھی ارد ی ایکسرسائز ”گلف شیلڈون“ ءِ گڈی مراگش ءَ بھر زوری پاک ارد ءِ دستہ، پاک فضائیہ ءِ سی 130، جے ایف 17 تھنڈر بالیگ، پاک بحریہ ءِ آپی جہاز ءُُ سپیشل سروسز گروپ ءِ کمانڈوز آں ایکسرسائز آنی تہءَ بھر زوری کت

الجبیل (سعودی عرب) (پاکستان نیوزپوائنٹ 16اپریل 2018ء)مزن وزیر شاہد خاقان عباسی ءَ ایندگہ میاں اوستمانی سروک آنی ھمبراھی ءَ دو شمبے ءَ 24ملک آنی یکجائی ایکسرسائز ”گلف شیلڈ ون“ ءِ پُرمڈاھیں گڈی مراگش ءَ بھر زوری کت ءُُ ارُدی ازمکاری آنی جوانیں درشان ھم چار ایت۔ سعودی فرمانروا سلامان بن عبدالعزیز السعود ءَ میاں اوستماننی سروک۔ وزیر برائے دیمپانی ءُُ درئی کار ءُُ جتا جتائیں اُرد ی سروک آں مراگش ءَ وش اتک کت ایش دمام ءِ گوریچانی رودراتک ءِ تہءَ کساس 140کلومیٹر دور ریکستان ءَ برجم دارگ بوت۔

مزن وزیر ءِ ھمبراہ وزیر ءِ دیمپانی انجینئر خرم دستگیر ، چیف آف آرمی سٹاف جنرل قمر جاوید باجوہ ءُُ سعودی عرب ءَ پاکستان ءِ سفیر ہشام بن صدیق ھم ھمبراہ ات۔ 41 ملک آنی یکجاھی ”اسلامک ملٹری کاؤنٹر ٹیررازم کولیشن“ ءِ سروک جنرل (ر) راحیل شریف ھم اے مراگش ءَ بھر زوری کنگ ءَ ات۔ رائل سعودی لینڈ فورسز ءِ ایکسرسائز آنی کمان ءِ چیر دستیں کمان ءِ چیر ستی ءَ سلظنت ءِ رودراتکی تیاب دپ ءَ برجم بوھوکیں سئیں ارد آنی یکجائی ایکسرسائز ءِ بندوبست وت مہ وتی رابطہ آناں دیمروئی دیگ ءُُ یکجائی مول ءُُ مراد آنی دزگیر کنگ ءِ پکوئیں کار ءِ تجروبت حاصل کنگ ءِ واستہ کنگ بوتگ۔

سعودی وزارت دیمپانی ءَ ”گلف شیلڈ ون“ ایکسرسائز آناں دگنیا ءَ نوکیں زمانگ ء ِ اُردی نظام ءِ رد ءَ جنگی ازمکاری آنی ھوالگ ءَ یک المی ایں کار ءِ نامینت۔ مزنیں تک ءَ برجم بوھوکیں ایکسرسائز آنی گڈی مراگش ءَ سرڈگاری، بالی ءُُ آپی اُرد آنی دیمپانی ءُُ ارش کنگ ءِ ساھت ءَ کارمرد بوھوکیں ازمکاری آنی درشان کنگ بوت وھدیکہ پاک بالی جہاز جے ایف 17 جنگی جہاز آنں وتی جوانیں بالی ازم ءِ درشان کت۔

ایشی ءَ ابید بکتر بند گاڑی آں سرڈگاری ارد ءِ سرءَ ارش کت ءُُ ایشرا پاچی گن شپ ءِ بالی کمک زُرت۔ ایشی ءَ ابید زرّ ءَ چہ سرڈگار ی ارد ءَ دژمن آنی ٹھکانہ آناں نشانگ بست وھدیکہ سپیشل سروسز ءِ دستہ آں ایکسرسائز ءِ تہ ءَ بچ اتگیں ناشرکار آن جت ءُُ پروش دات۔ ”اے پی پی“ ءِ ھاسیں ھماھندگ ءِ رپوٹ ءِ رد ءَ سعودی فرمانروا ءُُ مہمان جل آں یک ٹوھیں ھالے ءِ تہ ءَ اے مراگش ءَ را چار ات ءُُ ندارگ کت سئے نیمگ ءَ مزن مزنیں شیشگ ءِ ڈیوال اتنت ءُُ ریکستان ءَ را چارگ ءِ ھاترا ٹوھ ٹوھیں سیکرین پٹ کتگ اَتنت۔

ایشی ءَ ابید سعودی فرمانروا سلمان بن عبدالعزیز ءَ تر ءُُ تاب کنوکیں ڈل ءِ سروک آنی گوما گروپ فوٹو بنائینت ءُُ آوانی شرپ ءَ سُبارگ ھم دات۔ مراگش ءَ شریک بوھوکیں ابوظہبی ءِ ولی عہد ءُُ یو اے ای سلاھ بندیں ارد ءِ نائب سپریک کمانڈر شیخ محمد زید النہیان، بنگلہ دیش ءِ مزن وزیر شیخ حسینہ واجد، مالی، چاڈ ءُُ برکینا فاسو ءِ صدر ھم ھوار اتنت۔

اے مزنیں تک ء ِ مراگش ءَ اولی ایکسرسائز ات ایشی ءِ تہ ءَ دُگنیا ءِ 10 مکھم تریں ارد آنی دستہ آں بھر زوری کت۔ پاک فوج ءِ دستہ ، پاک فضائیہ ءِ سی 130، جے ایف 17 تھنڈر جہاز، پاک بحریہ ءِ آپی جہاز ءُُ سپیشل سروسز گروپ ءِ کمانڈوز آں ایکسرسائز ءَ بھر زوری کت۔ ایشی ءَ ابید ایف فائیو، ایف 15، ایف 16، ایف 18 ءَ ھوار جتا جتائیں نوکیں زمانگ ء ِ جہاز آں گلف شیلڈ ون یکجائی ایکسرسائز ءَ بھر زوری کت۔

ھما ملک آنی اُردی دستہ آں ایکسرسائز ءِ تہ ءَ بھر زوری کتگ ایشانی تہ ءَ پاکستان، سوڈان، جبوتی، مصر، یو اے ای، چاڈ، گینیا، بحرین، ملائیشیا، موریطانیہ، اردن، گیمیبیا ءُُ کویت ھوار انت۔ تران کنوک ءِ بستار ءَ بھر زوری کنوکیں ملک آنی تہ ءَ بنگلہ دیش، ترکی، قطر، اوگانستان، برکینا فاسو، امریکہ، برطانیہ، کیمرون جزائر، اومان ءُُ نائیجر ھوار اتنت۔

پاکستان بحریہ ءِ آپی جہاز پی این ایس ٹیپو سلطان، پی این ایس ہمت ءُُ میری ٹائم سیکورٹی شپ ”بسول“ ءَ ایکسرسائز ءِ تہ ءَ بھر زوری کت۔ یکجائی اُردی ایکسرسائز ءِ تہ ءَ یک شل ءَ جنگی گامگیج کنگ، تیابی دیمپانی، بالی دیمپانی ءُُ زر ءَ سرچ اینڈ ریسکیو ءِ سر ءَ دلگوشی دیگ بوت۔ بحرین، سعودی عرب، کویت، ترکی، یو اے ای ءُُ امریکہ ءِ جنگی آپی جہاز آں ھم ایکسرسائز ءِ تہ ءَ بھر زوری کت۔