مزن وزیر شاہد خاقان عباسی ءِ چین ءِ صدر ڑی جن پنگ ءَ گوں گند ءُُ نند

مزن وزیر شاہد خاقان عباسی ءِ چین ءِ صدر ڑی جن پنگ ءَ گوں گند ءُُ نند

سان یا(پاکستان نیوزپوائنٹ 11اپریل 2018ء) مزن وزیر شاہد خاقان عباسی ءَ سئے شمبے ءَ عوامی جمہوریہ چین ءِ صدر ڑی جن پنگ ءَ گوں گند ءُُ نند کت، ایشی ءِ تہ ءَ چین ءِ سٹیٹ قونصلر ءُُ وزیر درئی کار وانگ ڑی ءَ ھوار پولٹ بیورو ءِ کلانہ ایں باسک ھم ساڑی اتنت وھدیکہ مزن وزیر شاہد خاقان عباسی ءِ کمک وزیر ءِ درئی کار، توکی کارانی وزیر ءُُ کلانہ ایں کارندہ آں کت۔

مز ن وزیر ءَ صدر ٹی ءَ را عوامی جمہوریہ چین ءِ دووارگ صدر گچین بوھگ ءِ پد ءَ مبارکی دات۔ دوئیں نیمگ آں دو نیمگی کمک ءَ را گیش ودینگ ءِ بابت ءَ سرجمیں ھیال ریچی کت۔ مزن وزیر ءَ گوشت کہ چین ءُُ پاکستان آئرن دابیں برات اَنت۔ دوئیں ملک آزماھش ءِ وھد ءَ یک ءِ دومیگ ءِ گوما ھم جُتکی ءَ اوشتاتگ اَنت ءُُ ھمک گوزوکیں سال ءِ ساھت ءَ ایشانی یکوئی گیش برجا بوتگ اَنت۔

مزن وزیرر ءَ دیمروئی ءِ واستہ ایشیا ءَ را گیش اوپن جوڑ کنگ ءِ صدر ڑی ءِ جزم ءَ را ساڑات۔ آئی ءَ صدر ڑی ءِ بیلٹ ءُُ روڈ منصوبگ ءِ وژن ءَ را ھم ساڑات۔ دوئیں سروک آں وت مہ وتی یکوئی واھگ آنی کار ءُُ پڑ ءَ دیمروئی ءِ ھوالگ ءَ جیڈھ آنی سر ءَ گپ ءُُ تران کت۔ مزن وزیر ءَ صدر ٹی ءَ را سی پیک ءِ سر ءَ کامیاتی در جنگ ءِ واستہ پاکستان ءِ کوشست آنی باروا تران کت۔

آئی ءَ سی پیک منصوبگ ءِ سر ءَ کار ءِ ترندی ءُُ ھاسیں اقتصادی زونز ءِ برجائی ءِ بابت ءَ ھیال ریچی کت۔ صدر ڑی ءَ گوشت کہ صنعتی پارک پاکستان ءِ صنعت ءِ واستہ دیمروئی ءِ نوکیں کشک جوڑ بنت ءُُ پاکستان ءِ صنعت آناں ایشی ءَ چہ گیش پراھ ءُُ شاھیگانی ءِ موہ رس اَنت۔ آئی ءَ سی پیک ءِ واستہ چین ءِ یک شلئیں کمک ءِ جزم ءِ درشان کت۔