اسرائیلی فوجیک غزہ ٹی اسہ پین فلسطینی اسے شہید کریر

غزہ (پاکستان نیوزپوائنٹ 04اپریل 2018ء) اسرائیلی فوجیک غزہ نا سیم انا خڑک اسہ پین فلسطینی شاری اسے سم کاری کرسا شہید کریر۔ غزہ وزارت جان جوڑی نا کمامدارآک پارینو کہ اسرائیلی فوجیک 25سال انا ورنا عرافہ ءِ نیامی غزہ نا علاقہ بریجی ٹی جھیڑہ غاتے ٹی اودے شہید کریر۔ داکان مست جمعہ نا دے ہزار آ فلسطنی باتی تا برانزی مچی ٹی بناء کروک آ جھیڑہ غاتے ٹی اسرائیلی فوجیک 17 فلسطینی باتی تے شہید کریسر۔ اسرائیلی فوجی تا بیدادی نا برخلاف فلسطینی تا برانزی مچی برجاءِ و پگہ(جمعہ نادے) بھلو کچ اسے آ برانزی مچی کننگ نا خواست کننگانے۔