ایران اٹی 5 درجہ شدت نا زمی جمب

تہران(پاکستان نیوزپوائنٹ 22مارچ2018ء) ایران نا چندی علاقہ غاتے ٹی 5.0 شدت نا زمی جمب نا لوڈو محسوس کننگا وخت اس کہ ہچ ءُ جانی و مالی نسخان اسے نا احوال ملتنے۔ ایران نا خبررساں ادارہ نا رداٹ ہرمزگان شار اتون اوار چندی علاقہ غاتے ٹی ہندی وخت انا رداٹ بیگہ نا 4بجہ غا زمی جمب نا لوڈو محسوس کننگا ہراڑآن الس اٹی خلیس اس تالان مس ۔ ریکٹر اسکیل آ زمی جمب نا شدت 5.0 ریکارڈ کننگا۔ تہران یونیورسٹی نا سیسمو لوجی ڈیپارٹمنٹ نا کنڈآن جاری کروک اعلامیہ زمی جمب نا بنجاء ڈغار نا تہٹی 26 کلومیٹر نا گہرائی ٹی ئس۔