بھارت و پاکستان تینا اختلاف آتے ہیت و گپ اٹ ایسر کیر، اقوام متحدہ

بھارت و پاکستان تینا اختلاف آتے ہیت و گپ اٹ ایسر کیر، اقوام متحدہ

اقوام متحدہ(پاکستان نیوزپوائنٹ 20مارچ2018ء) اقوام متحدہ اسہ وار ولدا بھارت و پاکستان آ زور شاغانے کہ او تینا اختلاف آتے ہیت وگپ اٹ ایسر کیر۔ جہانی ادارہ نا سیکرٹری جنرل نا ترجمان سٹیفن دوجارچ پریس بریفنگ اٹی اسہ سوج اسے نا ورندی ٹی پارے کہ اقوام متحدہ بھارت وپاکستان نا نیام اٹ ودوک آ بے چیٹی آ نظر تخانے و نن متکن آ جھیڑہ غاتے ایسر کننگ کن کڑدہ غاتا نیام اٹ مذاکرات نا است بڈی ءِ کینہ۔ داسوج انا ورندی ٹی اوپارے کہ انت جہانی ادارہ نا سروک ساڑی آ وخت اٹ ہڑتوم آ ملک آتا وزیر اعظم آتون دابابت ہیت اس کرے، ترجمان تبصرہ کننگ آن پاناد کرے۔