روہنگیا مسلمان تے دمدستی کمک نا گرج ءِ، اقوام متحدہ

نیویارک(پاکستان نیوزپوائنٹ 19مارچ2018ء) اقوام متحدہ نا پاننگ ءِ کہ روہنگیا باہوٹ آتے دمدستی وڑاٹ اسہ ارب ڈالر نا امداد نا گرج ءِ۔ اقوام متحدہ نا کنڈآن جاری کروک رپورٹ اٹ پاننگانے کہ بنگلہ دیش اٹی ساڑی روہنگیا باہوٹ آتے کن ہندا سال اٹی نہہ نیم ملین ڈالر نا گرج ءِ۔ ادارہ نا رداٹ دا پیسہ غاک بنداوی گرج انا گڑا، ہنکین و طبی بشخ آ خڑچ کننگرہ۔ رپورٹ اٹی سفا کننگانے کہ بشام نا پِر تا بناء کننگ آن مست ہی کم و ود اسہ لکھ باہوٹ ءِ رکھوک ہند آتیا گدریفنگ المی ءِ۔ یات سلے کہ میانمار نا سورش زدہ علاقہ غاتیان 10 لکھ بندغ بنگلہ دیش اٹی پناہ ہلکونو۔