نئی دہلی(پاکستان نیوزپوائنٹ 14مارچ2018ء) بھارت نا ریاست چھتیس گڑھ اٹی بمب دھماکہ ٹی 9 فوجی تپاخت و 10 ٹھپی مسر۔ بھارتی خبر رساں ادارہ نا رداٹ ریاست چھتیس گڑھ نا ضلع سکما ٹی باغیک بھارتی فوج انا ’بمب پروف‘ گاڈی ایم پی وی ءِ بارودی سرنگ اٹ ترخفیر ہراٹی داٹی سوار 9 فوجی تپاخت و 10 ٹھپی مسر۔ لاش و ٹھپی تے ہیلی کیپٹر نا کمک اٹ ہسپتال آ مون تسر ہراڑے 4 ٹھپی مروک آتا حالیت نازرک پاننگ انگ ءِ۔
کمامدارآتارداٹ کستارام نا علاقہ ٹی نیم فوجی سنٹرل ریزرو پولیس فورس (سی آر پی ایف) نا کنڈآن ماؤ باغی تا برخلاف آپریش کننگاکہ کہ داٹی اسہ فوجی تا گاڈی اسے نشانہ جوڑ کننگا۔ بھارتی کمامدارآک واقعہ نا دوبہ ءِ ماؤ باغی تیا خلسا پاریر کہ جلہو گیر آک اسٹ آن زیات بارودی سرنگ تخاسر ۔ تپاخت کروک آ غٹ فوجی تا تعلق سی آر پی ایف نا 212 می بٹالین آن ئسک۔
