سنگاپور قطبی کوریا غاخلوک جہانی پابندی تا خلاف ورزی ءِ کرے، سلامتی کونسل اٹ رپورٹ پیش

اقوام متحدہ (پاکستان نیوزپوائنٹ 13مارچ2018ء) اقوام متحدہ نا رپورٹ نا مسودہ ٹی داوا کننگانے کہ سنگاپور نا کمپنیک اقوام متحدہ نا پابندی تا خلاف ورزی ءِ کرسا قطبی کوریا ءِ پر تعیش بہاکرے۔ برطانوی نشریاتی ادارہ نا رداٹ دا رپورٹ اقوام متحدہ نا سلامتی کونسل اٹ جمع کرفنگانے و دادے بروک آ ہفتہ اسکان شینک کننگک۔ رپورٹ اٹی سنگاپور آن کاروبار کروک آ اِرا کمپنی تا پن ءِ ولے اوفک تینے آ خلوک دوبہ غاتے مسترد کرینو۔ سنگاپور نا حکومت نا پاننگ ءِ کہ او پابندی تیان معلومدار ءِ و او دا احوال آتا پک کننگ کن جاست وپاست نا بناءِ کرینے۔ یات سلے کہ اقوام متحدہ و سنگاپور ہڑتوم آک قطبی کوریا ءِ پرتعیش گڑاتا بہاء کننگ آ پابندی خلکونے۔