کھٹمنڈو(پاکستان نیوزپوائنٹ 06مارچ2018ء) پاکستان ء ُ نیپا لءَ معیشت ، بیپاری ، دیمپانی ء ُ دودء ُ ربیدگءِ پڑآں کمک ءَ را گیش کنگءِ سرءَ تپاک کتگ۔ اے تپاکی مزن وزیر شاہد خاقان عباسی ء ُ نیپالی مزن وزیر کھدگا پرشاد شرما اولیءِ نیامءَ گندء ُ نند ءِ تہا بوتگ۔ مزن وزیر شاہد خاقان عباسی کہ نیپالی مزن وزیر ءَ را مراد بات دیئگ ءِ ھاترءَ سر بوتگ۔
آئیءِ گشتگ کہ پاکستان نیپال ءِ یکوئی ، وت واجائی ء ُ دمگی سلامتی ءَ اولی دلگوشی دنت ء ُا یشی ءِ ھمراھ دار یءَ کنت۔ آئی ءَ اے گشتگ کہ اے گپ باز جوان اِنت کہ نیپال ءِ تہا جمہوری عمل گیش بوھگءَ اِنت ء ُ اے گپ ءِ سرءَ زور پِرداتگ کہ سیاسی مھکمی اقتصادی دیمروئی ءِ بنیات اِنت۔آئیءَ گشتگ کہ پاکستانء ُ نیپال بازیں وھداں چہ یکے دومیءِ دوستء ُ ھمبل اَنتء ُ دود ء ُ ربیدگ ، سیلء ُ سواد ، لیبء ُ گوازی ء ُ وانگء ُ زانگ ءِ پڑءَ شریداری کنگءِ بازیں امکانات اَست اَنت۔
دوھیں رہنماآں سارک ءَ را دمگی ملک آنی نیامءَ کمک ءِ ھاترءَ یک ھاسیں پلیٹ فورمے لیک اِتگء ُ آئیء ِ ھوالگءَ ھم گپء ُ تران کتگ۔اے گپءَ را پدر کنگ بوتگ کہ پاکستانء ُ نیپال ءِ نیامءَ اقتصادی نزیکی سیاسی سیادی ءَ گوں ھم دپ نہ اِنت ایشی ءَ را گیش شر کنگءِ ضلورت اِنت۔ نیپال یکجائی اقتصادی کمیشن ء ُ یکجائی اقتصادی کونسل ءَ را نوک سر جوڈ کنگءِ ضلورتءِ سرءَ زور پِرداتگ تنکہ دونیمگی بیپاری گیش بہ بیت ۔
دوھیں رہنما آں پاکستان ء ُ نیپال ءِ نیامءَ میاں اوستمانی فورم آنی سرءَ کمک ءِ سرءَ سدکی ءِ درشانی کتگ ۔ یک ھاسیں دمگی تنظیم ءِ ارزشت ءَ سارک ءَ را نوک سر مھکم کنگءِ وڈء ُ پیم ءِ سرءَ گپء ُ تران بوتگ۔ ایشی ءَ پد مزن وزی شاہد خاقان عباسی ء ُ نیپال مزن وزیر کھدگا پرشاد شرما اولیءَ ڈلی تکءَ سول ء ُ تران کتگ کہ ایشیءِ تہا دوھیں ملک آنی وزیر ھوار بوتگ اَنت۔