ایرانء ِمسافربالی گراب کپتگءُ تباہ بوتگ،66مردم سواراتنت

ایرانء ِمسافربالی گراب کپتگءُ تباہ بوتگ،66مردم سواراتنت

تہران (پاکستان نیوزپوائنٹ 19فروری2018ء) ایرانء َملکء ِ تہا بالء ِ وھداں مسافر گراب کپگ ءَ چہ 66 مردم بیران بوتگ اَنت۔ایرانی میڈیا ء ِ ردا مسافر بالی گراباں اے ٹی آر 72 بْنشہر تہران ءَ چہ شہر یاسوج ء ِ سفرءَ روگ ء َ ات۔ذریعہء ِ گشگ اِنت کہ ویل اصفہانء ِ ھنداں دیما اتکگ کہ ایشی ء ِ آسر ءَ بالی گراباں سواریں درائیں مردم بیران بوتگ اَنت۔ بیران بوتگینانی تہا 60 مسافر ءُْ عملہء ِ شش کارندہ ھوار اتنت۔

بالی گراب ء ِ گپگ ء ِ حال ءَ پد ریسکیو ٹیم جاہ ء ِ نیمگا رہادگ بوتگ اَنت۔ایوی ایشن واکدارانی گشگ اِنت کہ بالی گراب20 منٹ ء َ پد ریڈار ءَ چہ گار بوتگ ات۔بنداتی پٹءُ پولءَ پدرائی بوتگ کہ ویل حرابیں موسمی جاورحال ء ِ سبب ءَ دیما اتکگ کہ ایشی ء ِ سبب ءَ بالی گراب بال ء ِ وھداں کوہاں گوں ڈک وارتگ۔ویلء َپد ہماجاہءَ کمکی ٹیم سر بوان ءَ کمکی کاروائی بنا کتگ بلے حرابیں موسم ء ِ سبب ءَ کمکی کاروائیاں جنجال دیما اتکگ اَنت