زرباری افریقہ ءَ زوما ء ِ سرکار ھلاس ،راما فوسا ءَ صدرء ِ سوگند چست کت

کیپ ٹاون (پاکستان نیوزپوائنٹ 16فروری2018ء) زرباری افریقہء ِ حاکمیں گل افریقین نیشنل کانگریس ء ِ نائب صرر سیریل رما فوسا ءَ ملک ء ِ نوکیں صدر اگدہ ء ِ سوگند چست کت۔ صدر جیکب زوما ء ِ دزکشی ء ِ 24 ساعتانی تہا زرباری افریقہ ء ِ نوکیں صدر سرل رامافوسا ء َ اگدہ ء ِ سوگند چست کت،سوگندی مراگشءَ زرباری افریقہ ء ِ چیف جسٹس جسٹس موئگنگ ء ِ چیر دستی ءَ بوت۔ پدر بہ بیت پیسریگیں صدر جیکب زوما ء ِ سرا کرپشن ء ِ بھتام اتنت ،آئی ء ِ سرا پارٹی ء ِ نیمگ ءَ اگدہ ء ِ یل دئیگ ء ِ زور بوتگ۔چہ آئی ءَ پد جیکب زوما ء ِ صدارت ء ِ اگدہ ءَ چہ دزکشی دات۔