امریکی دری کارا نی وزیر ءِ صدر اردوان ءَ گوں 3کلاک ءَ گندء ُ نند

انقرہ(پاکستان نیوزپوائنٹ 16فروری2018ء) امریکی دری کارانی وزیر ریکس ٹلرسن ءَ گوستگیں بیگاھ انقرہ ءَ صدر رجب طیب اردوانءَ گوں گند کتگ کہ تاں 3کلاکا ں جاری وتگ۔ ترک ھال رسانکی ادارگءِ گشگءِ ردءَ اے گندء ُ نندءِ تہا شامء ُ عراق ءَ ھوار دگہ بازیں دمگی جیڑھء ُ جنجال ء ُ ناشرکاری گرء ُ داری ءِ سرءَ گپ ء ُ تران بوتگ کہ آئی ءِ تہا ترکی ءِ اے مئوقف ء ُ آئیءِ تکانسری ءِ سرجمءَ درشانی کتگ۔ اے گندء ُ نندءِ تہا دری کارانی وزیر مولود چاوش اولو ھم ھوار بوتگ ایشی ءَ ابید پی کے کے ء ُ پی وائی ڈی ءَ را رسوکیں امریکی کمک ء ُ ترک امریکی سیادی ءِ تہا دونیمگی ھدوکی ءَ گوں بندوکیں کارانی سرءَ ھم ھیالء ُ لیکہءِ درشانی کتگ۔