بیوپار ءِ وزیر پرویز ملک ءَ کینڈین صوبائی وزیر برائے میاں اوستمانی بیوپار مائیکل جان ءِ گوما گند ءُُ نند،پاک کینڈا بیوپاری سیادی ءِ سرا ھیال ریچی

بیوپار ءِ وزیر پرویز ملک ءَ کینڈین صوبائی وزیر برائے میاں اوستمانی بیوپار مائیکل جان ءِ گوما گند ءُُ نند،پاک کینڈا بیوپاری سیادی ءِ سرا ھیال ریچی

آٹوا (پاکستان نیوزپوائنٹ 15فروری2018ء) بیئپار ءِ وزیر پرویز ملک ءَ کینڈا ءِ صوبگ اونٹ ریوئے ءِ وزیر برائے میاں اوستمانی بیئپار مائیکل جان ءِ گوما گند ءُُ نند کت۔گند ءُُ نند ءِ تہ پاکستان ءُُ اونٹ ریوئے ءِ نیام ءَ بیئپاری سیادی ءِ سرا ھیال ریچی کنگ بوتگ۔آہاں مائیکل جان ءَ را پاکستان ءِ اَستیں حکومت ءِ نیمگ ءَ چہ دیم آرتگیں اقتصادی اصلاحات ءِ نتیجگ ءَ بیوکیں معاشی دیمرئی ءَ چہ سرپد کت۔

آہاں پاکستان ءِ تہ اَستیں بیئپاری ءُُ زرکاری ءِ موہ ءَ چہ ھم سرپد کت۔ آہاں گوشت کہ کینڈا ءِ بنجاہی کابینہ ءِ باسکاں ھاستر وزیر برائے میاں اوستمانی بیئپارفرانکوئس فلپ شیمپن ءِ گوما ایشانی گند ءُُ نند باز پائدگ مند بوتگ انت۔آہاں گوشت کہ پاکستان ءِ مارکیٹ ءَ تاں رسگ ،بیئپاری ڈل آنی مٹ ءُُ سٹ ءُُ دوئیں ملکانی چیمبرز آف کامرس اینڈ انڈسٹری ءِ نیام کمک ءِ وسیلگ ءَ دوئیں ملکانی نیام ءَ بیئپاری سیادی ءَ را ودکی دیگ ءِ وھشت مند انت۔

پاکستان ءِ تہ دیمپانی جاورھال ءِ تہ گہتری ءِ نتیجگ ءَ درملکی زرکاری ءَ ودکی اتکگ۔ اونٹ ریو ءِ تہ نندوک پاکستانی آنی مستریں کچ دوئیں ملکانی نیام ءَ بیئپاری سیادی ءِ تہ ودکی ءِ ھاترا کرد ادا کت کن انت۔اونٹ ریو یک مستریں بیئپاری ءُُ صنعتی بنجاہ انت ءُُ پاکستان ایشی ءَ چہ وتی بیئپاری سیادی ءَ را مھکم کنگ لوٹگ انت۔اے ساعت ءَ مائیکل جان ءَ اونٹ ریو ءِ تہ نندوک پاکستانی آنی صوبگ ءِ تہ دیمرئی کرد ءَ را ساڑاتگ۔آہاں گوشت کہ مہ وتی صوبگ ءِ مستریں کچ ءَ آوکیں پاکستانی نودربران وش اتک کناں ۔آہاں بیئپار ءِ وزیر پرویز ملک ءِ دوئیں ملکانی ادارگہانی نیام ءَ بیئپار ءَ ودکی ءِ صلاح ءَ گوں تپاک کت۔