صنعاء(پاکستان نیوز پوائنٹ 06ستمبر 2016ء) یمن نا دارالحکومت صنعاء نا دے ٹک اٹی واقع تیل انا کوڑی والا علاقہ غا کنٹرول دوئی کننگ کن فوجی و حوثی باغی تا نیام اٹ خونریز جنگ اٹی 16 جنگوڑو تپاخت کریر وخت اس کہ داوخت آ 10 فوجی ہم خلنگار۔ عرب ذرائع ابلاغ نا رداٹ یمن نا عسکری ذرائع پارے کہ حکومت نواز فورسز آک صوبہ مآرب اٹی واقع علاقہ صرواہ نا کنٹرول ءِ پدی ہلنگ کن حوثی باغی تا برخلاف اسہ فوجی کارروائی اسے نا بناءِ کرینے۔
جھیڑہ و سعودی عرب نا سروکی ٹی اتحاد نا فضائی جلہو آتیٹی 16حوثی باغی تپاخت و چندیک ٹھپی مسنو وخت اس کہ دافتے تون جھیڑہ غاتیٹی 10 فوجی خلنگانو و 12ٹھپی مسنو۔ صدر عبدالربو منصور ہادی نا وفادار فورسز آک صرواہ نا خڑک واقع مش تیا کوزہ کرینو۔ فورسز آتا مآرب آ پورو کنٹرول دوئی کننگ نا پیش گامی جاری ءِ۔
