باراک اوبامہ نا روس انا صدر ولادی میر پیوٹن تون اوڑدہی

ہانگ ژو (پاکستان نیوز پوائنٹ 05ستمبر 2016ء) امریکہ نا صدر باراک اوبامہ دوشنبے آ روس انا صدر ولادی میر پیوٹن تون اوڑدہی کرے۔ امریکی میڈیا نا رداٹ دا اوڑدہی چین نا شار ہانگ ژو ٹی دنیا نا 20 بھلا اقتصادی واک آتا حامل ملک آتا تنظیم جی 20 نا سروک دیوان نا وخت آ مسنے۔ امریکہ نا قومی سلامتی کونسل نا ترجمان پارے کہ ہڑتوم آ صدر آک اہم ہڑتوم آ کنڈآتا است خواہی و علاقائی و بین الاقوامی معاملہ غاتیا خیال آتا درشانی ءِ کریر۔ یات سلے کہ داکان مست امریکہ و روس انا کنڈآن شام آ ممکنہ ڈیل انا بارواٹی بیان آک مونا بسنو۔