شام اٹی روسی جنگی جہاز آتا داعش نا ٹھکانہ غاتیا بمباری

دمشق(پاکستان نیوزپوائنٹ16نومبر2017ء) روس انا مریس فاصلہ اسکان بال کروک آ 6جنگی جہاز آک شامی صوبہ دیر الزور اٹی البوکمال نا خلق انا خڑک شدت پسند تنظیم داعش نا چندی ٹھکانہ غاتیا بمباری کریر۔ جرمن خبررساں ادارہ نا رداٹ داجلہو آتے کن روس انا ٹی یو 22ایم 3 وڑانا 6جنگی جہاز آک روسی علاقہ غان بال کرسا ایران و عراق نا زی آ بال کرسا شام اٹی پترینگار ہراڑے او دیر الزور آ بمباری کریر۔ پاننگانے کہ دا جلہو آتیٹی داعش نا عسکریت پسند ، اوفتا سلہہ غاتا کوڑی و بکتر بند گاڈی تے نشانہ جوڑ کننگا۔