واشنگٹن(پاکستان نیوزپوائنٹ15نومبر2017ء) جہانی عدالت انصاف نا جج انا گچین کاری کن پوسکن آ تاریخ نا پڑو ءِ زوت کننگک۔ چارشنبے نادے جہانی ذرائع ابلاغ نا رداٹ داہیت انا پڑو ءِ اقوام متحدہ نا اسہ عہدیدار اس کرینے۔ داہیت قابل ذکر ءِ کہ جہانی عدالت انصاف نا اسہ جج اسے نا گچین کاری کن بھارت و برطانیہ نا اومیت دار درکار کچ اٹی باسک آتا وونٹ دوئی کننگ کتوس ہراٹی ڈیڈ لاک ودی مس۔
اقوام متحدہ نا جنرل اسمبلی نا صدر نا ترجمان پارے کہ ہیگ اٹی اڈ ہلوک جہانی عدالت انصاف نا جج انا گچین کاری کن بھارت نا دلویر بھنڈاری و برطانیہ نا کرسٹوفرگرین ووڈ انا نیام اٹ اقوام متحدہ نا جنرل اسمبلی و سلامتی کونسل اٹی کیہی وار ووٹنگ بیدس نتیجہ غان چٹا۔ اوپارے کہ بھارت و برطانیہ غان تعلق تخوک آ جہانی عدالت انصاف نا جج انا ہڑتوم آ اومیت دار آک جنرل اسمبلی و سلامتی کونسل اٹی درکار گیشتری وونٹ دوئی کننگ اٹ بے سہب مسنو۔
