اقوام متحدہ(پاکستان نیوزپوائنٹ06نومبر2017ء) اقوام متحدہ ءِ سیکٹری جنرل انتونیوگوترس ءَ لبنان ءِ مزن وزیر سعد حریری ءِ اناگہ ءَ دست کش بوھگءَ تکانسری ءِ درشانی کتگ۔ آئی ءِ جارچین ءِ نیمگءَ چہ جاری بیانءِ تہا گشگ بوتگ کہ میاں اوستمانی ادارگ لبنان ءِ دمگی سلامتی ، ملکی امن ء ُ ایمنی ء ُ مھکمی ء ُ آئین ءِ بالادستی ءِ گامءِ سرجمی ءَ منو ک اَنت ء ُ آ لبنان ءِ تہا جمہوریت ء ُ مھکمی ءِ گامگیجانی تہا آفس آف دی یو این سپیشل کوآرڈینیٹر فارلبنان ءِ وسیلگءَ وتی کردءَ پیلو کنگءَ اِنت۔
اے کردءِ تہافریقین آناں وت مہ وتءَ جیڑھ ء ُ جنجالانی گیش ء ُ گیواریءَ کنگءَ کمک پھجارینگ ھم ھوار اِنت۔ لبنان مزن وزیر ءَ سعودی بنجاھی حکومت ریاض ءَ چہ شنگ بوتگیں یک گوشتانک ءِ تہا وتی دست کشی بوھگءِ ھوالگءَ جار جتگء ُ ھال داتگ کہ آئیءِ جانءَ را ھترہ اَست۔
