نیویارک (پاکستان نیوز پوائنٹ 26اگست 2016ء) امریکی اسٹاک ایکسچینج نسدک نا ماڑی آ خلوک اسکرین آ 70می آجوئی دے نا چرجوئی ٹی پاکستانی بیرک نا نمائش کننگا۔ داوخت آ اسہ دود اس ہم اڈ ہلک ہراڑآن اقوام متحدہ کن پاکستان نا آخبتی مندوب ڈاکٹر ملیحہ لودھی ترا ن کرے۔ ڈاکٹر ملیحہ لودھی نسدک سٹاک ایکسچینج نا اونا ٹریڈنگ بند مننگ نا نشانی نا وڑٹ اختتامی گھنٹی ءِ ہم خلک۔
دود ءِ نسدک نا ماڑی آ خلوک سکرین آ و کیہی ٹی وی چینلز براہ راست نشان تسر۔ داوخت آ پوریاگر و زرکارآتیان تران اٹی ڈاکٹر ملیحہ لودھی پارے کہ پاکستان شون ناکسر آ روان ءِ ، ملیحہ لودھی ہراتینٹ ہم داوخت آ سوز لویس بیناسس پارے کہ اودے نسدک نا اسکرین آ سوز پاکستان بیرک نا نمائش آ بے حد خوشی مس۔ اوپارے کہ نن بزنس کروک و درملکی زرکار آتے پاکستان اٹی بخیرٹ پانہ۔
اوپاکستان امریکن بزنس ایسوسی ایشن نا کنڈآن دود انا اڈتننگ آ خوشی نا درشانی ءِ کرے و دا دود اٹی شرکت ءِ تین کن اعزاز نا سوب اس گوندا۔ اوپارے کہ پاکستان نا معیشت گچین وڑاٹ بحالی ہدف دوئی کرینے و داسا ترند رفتارشون اکن دا اقتصادی سوگوی سازگار چاگڑد نا فراوانی و جمہوری سوگوی نا نتیجہ ٹی دوئی مسنے۔ پاکستان نا درملکی زرمبادلہ نا کوڑی ٹی ودکی مسنے۔
افراط زر انا کچ اٹی کمتی مسنے و سمندر پار آن ترسیلات آتا زیات تناسب اونا ترند ترین رفتار آن شون اکن زبردست موقع فراوان کیک۔ اوپارے کہ نن دنیا نا کیہی بشخ آتے مواصلاتی ، توانائی و واپاری راہداری نا کمک اٹ اسہ ایلو تون جاڑ کرسا پاکستان ءِ علاقائی بنجااس جوڑ کننگ ناویژن آ پبی وڑاٹ عمل کننگ اُن۔ او داوخت آ وزیراعظم محمد نواز شریف نا کلہو ءِ خوانسا بنفے ہراٹی وزیراعظم پاریسس کہ محنتی الس و سوگو جمہوریت آن پاکستان نا آخبت روشن ءِ۔داوخت آ نسدک نا سینئر عہدیدار اینڈ ریوپال تینا تران اٹی پاکستانی الس و حکومت ءِ 70 می آجوئی دے نا وخت آ مبارکبادی تس۔ دود آن پاک امریکن بزنس ایسوسی ایشن نا چیئرمین ایم صدیق شیخ ہم تران کرے۔
