غور اٹی پولیس و طالبان تا نیام اٹ جھیڑہ ٹی 7 عسکریت پسند و مسہ پولیس کارندہ تپاخت ، ننگرہار اٹی کیہی کارروائی تیٹی 10 عسکریت پسند تپاخت کریر

غور اٹی پولیس و طالبان تا نیام اٹ جھیڑہ ٹی 7 عسکریت پسند و مسہ پولیس کارندہ تپاخت ، ننگرہار اٹی کیہی کارروائی تیٹی 10 عسکریت پسند تپاخت کریر

کابل(پاکستان نیوز پوائنٹ 25اگست 2016ء) اوغانستان نا صوبہ غور اٹی پولیس و طالبان تا نیام اٹ جھیڑہ ٹی 7 عسکریت پسند و مسہ پولیس کارندہ تپاخت کریر۔ ننگرہار اٹی کیہی کارروائی تیٹی 10 عسکریت پسند تپاخت و کیہی ٹھپی مسر۔ اوغان میڈیا نا رداٹ نیامی صوبہ غور اٹی پولیس و طالبان نا نیام اٹ جھیڑہ ٹی 7 عسکریت پسند و مسہ پولیس کارندہ تپاخت کریر۔ ہندی پولیس چیف نا رداٹ جھیڑہ ضلع پاسا بند اٹی مس ہراٹی کیہی بندغ آتا ٹھپی مننگ نا احوال ہم ملانے۔

ننگرہار اٹی کیہی کارروائی تیٹی 10 عسکریت پسند تپاخت و کیہی ٹھپی مسر۔ صوبائی گورنر نا ترجمان پارے کہ کارروائیک کیہی علاقہ غاتیٹی کننگار۔ صوبہ فاریاب اٹی طالبانک یونیورسٹی نا طالب علم ءِ تپاخت کننگ آن پد اونا جون اٹی بارودی مواد شاغار۔ کمامدارآک پاریر کہ طالبانک طالب علم ءِ ہائی وے آن دزگیر کریر اوکان گڈ اونا کاٹم ءِ خلسا لاش ءِ بارودی مواد آن پُر کریر۔ اوکان گڈ فورسز آک بارودی مواد آتے ناکارہ جوڑ کریر۔