فلپائن اٹی منشیات نا برخلاف حکومتی مہم اٹی 1900 آن زیات بندغ تپاخت کرینو

منیلا۔(پاکستان نیوز پوائنٹ 24اگست 2016ء) فلپائن اٹی ہفت ہفتہ مست صدر روڈریگوڈوٹیر ٹے نا برسراقتدار بننگ آن پد داوخت اسکان منشیات نا برخلاف برجاء حکومتی مہم نا وخت آ 1900 آن زیات بندغ تپاخت کرینو۔ جرمن احوالکار آتارداٹ فلپائن نا قومی پولیس نا ڈائریکٹر جنرل رونلڈ ڈیلاروز اپارینے کہ منشیات نا ڈیلرز یا منشیات نا عادتی بندغ آتے تپاخت کننگ نا ہچ ءُ اعلانیہ پالیسی اس اف و دا کہ تقریباََ یانزدہ سد تپاخت آتا سوب آتے ہُننگ کن جاست و پاست جاری ءِ۔ اوپارے کہ ایلو ماندہ تپاخت آک پولیس نا کنڈآن انسداد منشیات نا آپریشن نا وخت آ مسنو۔ ڈیلاروزانا رداٹ تقریباََ ہفت لکھ ڈرگ ڈیلرز و منشیات نا عادتی بندغ کریک ڈاؤن آن بچنگ کن مست آن ہی تینے کمامدارآتا حوالہ کرینو۔