بیجنگ (پاکستان نیوزپوائنٹ08ستمبر2017ء) چینی وزیر ءِ درئی کار وانگ ژی ءَ ناشرکاری ءِ ھوپ ءِ ھلاپ ءَ جنگ ءَ پاکستان ءِ یک شل ءُُ پکوئیں کمک ءِ کنگ ءِ کول ءُُ کرار کنان ءَ گوشت کہ دوئیں ملک پڑ ءَ ایمنی ءِ ھاترا یکجائی کوشست آناں کارمرد بہ کن اَنت۔ وزیر ءِ درئی کار خواجہ محمد آصف ءِ ھمبرائی ءَ آدینگ ءِ روچ ءَ اِدا سٹیٹ گیسٹ ہاؤس ءَ یکجائی پریس کانفرنس ءَ گشتانک دیان ءَ آئی ءَ گوشت کہ چین ناشرکاری ءِ ھاترا پاکستان ءِ کوشست آناں من ایت ءُُ پاکستان ءِ وت واجئی ءُُ دمگی برجائی ءِ ھاترا وتی ”ڈڑئیں برات“ ءِ کمک ءَ کنگ۔
چینی وزیر ءِ درئی کار ءَ گوشت کہ پاک چین ءِ یکوئی مھکم ءُُ دراج بُر اَنت۔ آئیءِ ملک پاکستان ءَ ناشرکاری ءِ ھلاپ ءَ جنگ ءِ ساھت ءَ پاکستان ءِ بے دروریں کامیاتی آناں من ایت ءُُ میاں اوستمانی برات آنی سر ءَ زور پر دات کہ آ ناشرکاری ءِ ھاترا پاکستانی کوشست آناں من ایت۔ اوگانستان ءِ بابت ءَ آئی ءَ گوشت کہ اوگانستان ءَ ایمنی ءُُ برجائی چین ءُُ پاکستان دوئیں ملک آنی نپ ءَ اِنت۔
ما پاکستان ءُُ اوگانستان ءِ نیام ءَ گہتریں یکوئی ءِ واھشت مند آں۔ خواجہ آصف ءَ پاکستان ءِ کربانی آناں من ات ءُُ ناشرکاری ءِ ھلاپ ءَ جنگ ءَ پاکستان ءِ بے درورئیں کمک ءِ پد ءَ وتی چینی ھمکار ءِ شگر ءُُ منت گپت۔ آئی ءَ پاک چین اقتصادی راہداری ءِ ھاتراپاکستان ءِ سک باز کمک ءِ رد ءَ چین ءِ شگر ءُُ منت گپت۔ آئیءَ گوشت کہ چین ءُُ پاکستان ءِ نیام ءَ راجدپتر، وت مہ وتی یکیم ، براتی، یک ءُُ دگر ءَ دست مانجنی نہ کنگ ءُُ چاگردی ءُُ اقتصادی دیمروئی ءِ ھاترا ایجنڈا ءِ رد ءَ دوستی ءُُ یکوئی ایگ اتنت۔
آئی ءَ گوشت کہ پاکستان ءِ دمگی سالمی ءِ ھاترا چین ءِ کمک ءَ ما سک بازیں گوں شرپ مندیں نگاہ ءَ چار آں۔آئی ءَ گوشت کہ ون چائنہ پالیسی ءُُ تائیوان، سنکیانگ، تپب ءُُ جنوبی چین ءَ چین ءِ نپ ءُُ سیت ءِ ھاترا پاکستان ءِ کمک ءَ را من اِنت۔ وزیر ءِ درئی کار ءَ گوشت کہ اوگانستان ءِ جیڈھ ءِ اِچ اُردی گیواری نیست ءُُ آھودا سیاسی گیواری ءِ وسیلگ ءَ ایمنی ءُُ برجائی آرگ بوت کنت۔
آئی ءَ گوشت کہ پاکستان ءِ گوما گہتریں یکوئی ءِ کوشست ءَ کنگ ءَ آں۔ بیجنگ ءَ آیگ ءَ چہ پیسر آئی ءَ وتی اوگان ھمکار ءَ گوں ٹیلی فون ءِ سر ءَ تران کت۔ خواجہ آصف ءَ گوشت کہ امریکی صدر ڈونلڈ ٹرمپ ءِ اوگانستان ءِ ھوالگ ءَ چار ءُُ بچاری پالیشی ءِ جار ءَ پد دوئیں ھمساگیں ملک آنی نیام ءَ اے مزن تک ءِ اولی رابطہ انت۔ وزیر ءِ درئی کار ءَ پاک چین اقتصادی راہداری ءِ ھاترا سرجمیں سیکورٹی پُجارینگ ءِ جزم ءِ درشان کنان ءَ گوشت کہ منصوبگ ءِ ھاترا اِچ رنگ ءِ بیم ءُُ ترس ءِ ھلاپ ءَ ترندیں گامگیج زوگ بیت۔
ایشی ءَ چہ پیسر چینی وزیر ءِ درئی کار وانگ ژی ءَ سٹیٹ گیسٹ ہاؤس ءَ آیگ ءِ رد ءَ خواجہ آصف ءُُ آئی ءِ ٹولہ ءَ را وش اَتک کت۔ دوئیں رھشون آں دو نیمگی یکوئی ءُُ بُرز بوھانیں چیلنجز آنی رد ءَ دمگی ءُُ میاں اوستمانی جاور آنی سر ءَ ٹوھیں تپاکی ءِ گوما نپیگیں ھیال ریچی کت۔ وانگ ژی ءَ خواجہ محمد آصف ءِ تر ءُ تاب ءِ پد ءَ آئی ءِ شگر ئُپ منت گران ءَ پاکستان ءِ واستہ چین ءِ یک شلئیں کمک کنگ ءِ درشان کت۔
اے موہ ءِ سر ءَ خواجہ محمد آصف ءَ پاک چین دوستی ءُُ سٹریٹیجک شریکداری ءُُ اقتصادی رابطہ ءِ ارزشت ءَ را سہرا کنان ءَ چین ءِ بنیاتی نپ آنی توامیں جیڈھ آنی سر ءَ پاکستان ءِ گیشاں گیش کمک ءِ درشان کت پدا ھم آئی ءَ زور پر دات ءُُ اے گپ ءَ را نشان دات کہ پاکستان ءِ سیکورٹی بیم دور بہ بنت ءُُ پاکستان ءِ کربانی آناں منگ بہ بنت۔ قومی سلامتی ءِ مشیر لیفٹیننٹ جنرل (ر) ناصر خان جنجوعہ، پاکستان ءِ سفیر مسعود خالد ءُُ وزارت ءِ درئی کار ءِ کلانئیں کارندہ اے موہ ءِ سر ءَ ساڑی اتنت۔
