بیجنگ (پاکستان نیوزپوائنٹ08ستمبر2017ء) چینی درئی کارانی وزیر وانگ ژی ءَ گوشت کہ پاکستان، چین ءُُ اوگانستان ءِ درئی کارانی وزیر آنی نیام ءَ اولی دیوان گوزوکیں سال ءِ گڈ ءَ برجم دارگ بیت۔ آدینگ ءِ روچ ءَ وزیر ءِ درئی کار خواجہ محمد آصف ءِ ھمبراہ ءَ یکجائی پریس کانفرنس ءَ گشتانک دیان ءَ چینی وزیر ءِ درئی کار ءَ گوشت کہ اے سال ءِ گڈ ءَ چہ پیسر پاکستان، چین ءُُ اوگانستان ءِ وزیر ءِ درئی کار چین ءَ اولی میٹینگ ءَ کن اَنت۔
آئی ءَ گوشت کہ ما سئے بنیاتی شوبگ آنی نشان داتگ ایشانی تہ ءَ سٹریٹیجک کمیونیکشن، سیکورٹی ڈائیلاگ ءُُ برجمیں کمک ھوار انتءُُ ایشی ءِ بنیات ءَ ما آسانیں نکان آنی بنگیج ءَ کنان ءَ سئے کسی کمک ءِ گوما دمگی کمک ءِ ھاترا نوکیں پلیٹ فارم ءِ شنگ ءُُ تالانی ءِ مول ءُُ مراد ءَ کار کن آں۔ وانگ ژی ءَ گوشت کہ آئی ءِ ملک ناشرکاری ءِ ھلاپ ءَ جنگ ءَ پاکستان ءِ کمک ءَ جاڑی دار ایت۔
اوگانستان ءَ ایمنی دوئیں ملک آنی نپ ءُُ سیت ءِ ھاترا اِنت۔ ما پاکستان ءُُ اوگانستان ءِ نیام ءَ گہتریں یکوئی ءِ واھشت مند آں۔ اے موہ ءِ سر ءَ خواجہ محمد آصف ءَ گوشت کہ پاکستان ءُُ چین ءِ نیام ءَ یکوئی وتی درور وت اِنت ءُُ پاکستان وتی وتی دمگی سالمی ءِ ھاترا چین ءِ کمک ءَ مزنیں ارزشتی نگاہ ءَ چار ایت ۔ آئی ءَ گوشت کہ اوگانستان ءِ کشاں ءِ اِچ اُردی گیوار نیست۔ اوگانستان ءِ جیڈھ ءِ گیواری اُردی تک ءَ بوت نہ کنت بلکینگ ءَ اے جیڈھ ءَ را بنیاتی رنگ ءَ سیاسی رنگ ءَ گیوار بوت کنت۔
